過多幾個鐘後就裁決
發表於 : 週一 10月 31, 2022 5:52 am
過多幾個鐘後就裁決，罪成，真係唔知會判幾耐，有人話勞教，有人話教導所，都有人話YP少年監，每個人都各執一詞，咁就預計最壞打算教導所，或者少年監，教導所年半，少年監我預兩至三年，出返來個世界會變成點，冇人會知，可能變咗香港人心目中理想既社會呢，但如果係相反呢，就真係無力回天，由細到大電視都播既廣告，其中兩句說話，“聽日一定會好天既”，“因為希望在明天”，凡事都有可能，唔可以扼殺每一個可能或機會，向前望啦！！（罪名不成立都有可能
）
呢個page由當初0 fans,去到而家最後結算2731個fans，真係估唔到，自己d嘢寫得咁9,都有咁多人默默支持，個account開設咗大約年半，個增幅都好犀利，估唔到有咁多人留意關於勞教中心既人和事，亦都有一個好奇心去留意每一個懲教院所究竟有d咩唔同既規矩，文化，囚權問題先得以關注，呢樣野其實好值得慶幸，雖然多人關注，但係又係改變唔到，因為制度既根深蒂固，要改變，梗係從根源做起，但從何入手？所以嘥氣la，但起碼一傳十，十傳百，如每個人講起懲教院所，就提起囚權，已經係一個小小既勝利，一代宗師套戲裏面提及過既一句野，念念不忘，必有迴響，也許有一日憾動到呢個制度。
但係入去前真係想多謝呢段時間一直支持我既人，因為呢個page暫時都會暫停運作，但如果想寫信既可以照dm，會有人睇既，只係未必會再出post，出返來再做過，喺ig裏面成日都收到唔同既鼓勵，收到哂架，我入到去既動力就係源自你地，都希望會收到你地既信la,真係要講再見喇，仲有四個幾鐘咋，走先喇
hksun_1204
）呢個page由當初0 fans,去到而家最後結算2731個fans，真係估唔到，自己d嘢寫得咁9,都有咁多人默默支持，個account開設咗大約年半，個增幅都好犀利，估唔到有咁多人留意關於勞教中心既人和事，亦都有一個好奇心去留意每一個懲教院所究竟有d咩唔同既規矩，文化，囚權問題先得以關注，呢樣野其實好值得慶幸，雖然多人關注，但係又係改變唔到，因為制度既根深蒂固，要改變，梗係從根源做起，但從何入手？所以嘥氣la，但起碼一傳十，十傳百，如每個人講起懲教院所，就提起囚權，已經係一個小小既勝利，一代宗師套戲裏面提及過既一句野，念念不忘，必有迴響，也許有一日憾動到呢個制度。
但係入去前真係想多謝呢段時間一直支持我既人，因為呢個page暫時都會暫停運作，但如果想寫信既可以照dm，會有人睇既，只係未必會再出post，出返來再做過，喺ig裏面成日都收到唔同既鼓勵，收到哂架，我入到去既動力就係源自你地，都希望會收到你地既信la,真係要講再見喇，仲有四個幾鐘咋，走先喇
hksun_1204