47人案九東區6人今求情 被告友人：我諗佢哋最大嘅經歷就係不可預期

[emily]

47人案九東區6人今求情　被告友人：我諗佢哋最大嘅經歷就係不可預期　

攝影：Nasha Chan

47 名民主派被控「串謀顛覆國家政權」罪，初選時參選九東區的 6 人，包括認罪的黃之鋒、譚文豪、李嘉達、譚得志、胡志偉，以及經審訊被裁定罪成的施德來，周五（5 日）在西九龍裁判法院展開首日求情。

截至早上 8 時，有約 50 人排隊輪候。早前有來旁聽的前觀塘區議會主席蔡澤鴻，今日提早到場，「如果真係要比較，真係會特別關心，九東呢批最少都識咗十年」，胡志偉更是其 30 年朋友。

他指，被告還押 3 年，已適應獄中生活，「未有『23 條』之前，大家都傾緊出嚟做啲咩，阿偉（胡志偉）話要睇世界盃呀⋯依家差唔多踎咗 4 年，其實都放啦⋯但依家大家都唔講，因為冇咗（獄中行為良好）3 份 1」。

蔡形容，被告表現平靜，「其實大家都數緊日子，佢哋等判刑數日子，我哋等佢出嚟數日子」。現在被告距離獲釋或還有一段時間，蔡指「佢哋唔會喊苦喊忽，人生呢幾年都經歷咗好多嘢，咁我諗佢哋最大嘅經歷就係不可預期」。

同樣在社區認識九東區被告的鄧先生表示，「個個都係朋友，喺我心入面嘅份量都好重」。鄧稱，因工作原因較少探監，但自己會留意新聞，「因為始終社會上仲有人關注佢哋、冇人遺忘佢哋，歷史上仲有佢哋嘅記憶、佢哋嘅位置，我諗呢個係最重要」。

林先生亦在地區工作認識九東區議員及立法會議員，形容胡志偉「非常好人、勤力、心地好」，譚文豪則是好爸爸、好丈夫。林稱，對上一次聽審是快必的案件，之後未有再旁聽，「唔敢嚟，廢事流淚⋯聽完快必之後，譚文豪、胡志偉嗰啲更加⋯你問我，大家嘅相識仲耐啦，真係朋友嚟嘅」。

前黃大仙慈雲山區議員張茂清於 7 時多到場排隊，指是胡志偉的舊同事，胡還押後亦有探望對方。張形容，「佢好似視入去嗰段時間係一個 training，人瘦咗啲，之前做野肥啲，依家入去清淡啲，佢係好 tough（堅強）」。

至於凌晨近 4 時排隊的梁小姐，表示主要想見到譚文豪，指兩人認識 7 年。梁指，因譚較多家人，「唔好意思霸佔佢個探訪名額」，她已 3 年沒見到對方，「我一定要入到正庭」。梁指，譚文豪是一個目標明確、很堅毅的人，「佢係我個 role model 嚟，會喺生活遇到挫折嘅時候，就會諗人哋喺入面都頂住，你同我頂住呀咁樣，呢啲時候都會諗起佢」。

九東6人求情前報道：https://bit.ly/4bxtooW