【泳總講大話】

[emily]

【泳總講大話】

泳總會長王敏超今朝在881晴朗回應方力申，話屬於最高級別的「正式屬會」，雖然有啲冇活動紀錄、有啲冇聯絡方法，但呢類殭屍屬會冇問題。

佢話：「嗱，呢啲我知道，以前都發生過，個會因為內部呀、人事呀，整整下少咗活動，我哋理解，so far冇人提出來，即係影響唔大。」

現時泳總的屬會分為「正式屬會」（73個）、「觀察屬會」（30個）及方力申所屬的「競賽屬會」（34個）三級，主持人提出殭屍屬會存在，令下面兩層屬會無法升級。

王敏超指佢哋無法升級，因為自己「達唔到標準及要求，要升級要做夠幾年、有幾多運動，黑字白紙寫落黎。」

佢話殭屍會都有份幫泳總推動，又話：「疆屍會問題一直有，實際上有幾多，唔影響其他屬會新加入，我哋冇上限數字。」

但泳總網頁的「泳總屬會申請程序」，都黑紙白字寫明屬會之間要升級，必須等到上級屬會退會，方能作出申請。

#20240712