緊急盡量傳比身邊可能關事嘅人
【近日庇護住宿內有香港庇護人士被毆打、性侵犯、電腦等財物被破壞或被盜】
呼籲如果係住宿面臨威脅或者即時危機，而住宿提供方又冇即時處理方案嘅話，請立即離開後聯絡我哋安排入住緊急住宿服務電話：+447377765552（係咪辦公時間都打得）
Telegram ：@hongkongaid
我哋近日收到超過五個求助個案，表示喺政府庇護住宿內被毆打、性侵犯、電腦等財物被破壞或被盜。
如果喺庇護住宿遇到呢啲情況要立即報警同埋你係有權要求住宿管理人員立即做適當嘅安排去保障你嘅安全。
據我哋了解，因為烏克蘭同阿富汗嘅情況而令到等候庇護人數上升。庇護支援嘅服務崩潰，庇護住宿管理公司為咗達到最大可收容人數，佢哋安排由過去一人嘅房間提升至容納兩至三人，又冇加強保安或者任何額外措施保障不同入住者嘅安全。而處理庇護嘅法援律師更加無法接收大量個案，甚至有部份律師向我哋表示因為瘋狂嘅工作量而選擇離職。
另外，喺等候庇護有疑惑、困難或者純粹想有人傾吓圍下爐都可以經以上聯絡方法搵我哋。我哋都會喺度陪住大家一齊行
私隱考慮？
為咗確保服務使用者嘅安全，呢個服務由港援獨力營運同埋管理。服務使用者只會被要求提供稱呼聯絡方法等基本資料，入住資料只會保留實體副本，而相關嘅個人資料亦都會喺使用者離開住宿時完全銷毁。
延伸新聞資料：https://amp.theguardian.com/uk-news/202 ... ees-london
- 2022-11-03 19.30.30.jpg (76.31 KiB) 已瀏覽 1265 次
