真。香港人 - 討論組

【2022年唔敏感 而家敏感】

今年書展禁書名單陸續出爐，繼「界限書店」後，另一間出版社「藍藍的天」晚上公布，會展方面以收到投訴、敏感等理由，要求他們收起區家麟和邵家臻五本書。

藍藍的天負責人 Leslie 指，在書展開始前，會展已要求他們收起兩本書，分別是區家麟的舊作、遊書《亂流》，以及邵家臻的《坐監情緒學》，但他們拒絕收起，但到今日「真係唔得啦」，書展方面再要求他們收書，名單還新增了區家麟的《2047 夜》、新書《最後的信仰》，以及邵家臻的《字裡囚間》。

Leslie 指書展的要求最大問題是準則不明，「基本上我哋立場就係唔會犯法，但佢講唔到俾我哋聽犯咗咩法」，他們入書到書展的準則「就係出面賣緊嘅書，即係可以賣啦，其實無理由係會展嘅場地先唔賣得」，但結果都被要求收書，無法理解書展的標準，「即是你話係就係。」

他又認為書展審書很可能是針對作家本人而非內容，「區生都係一個敏感人物囉」，例如區家麟的舊作《亂流》，「我哋自己覺得係完全無問題…一本旅遊書點會覺得有問題」，所以他們打算應會展要求，收起其中四本書，但《亂流》不會收起，「（後果）都擔心，但我覺得都要有啲底線。」

#書展 區家麟、邵家臻著作被指敏感等促下架 書商續售《亂流》
https://bit.ly/46gpzUs

香港書展現正舉行，其中出版社「藍藍的天」今日接獲貿發局口頭通知，勸籲下架5本書，包括資深傳媒人區家麟的《亂流》、《二千零四十七夜》、《最後的信仰——新聞倫理十二講》，以及前立法會議員邵家臻的《坐監情緒學》和《字裡囚間》。

「藍藍的天」總編輯伍自禎稱，貿發局勸籲下架的理由是敏感和有人投訴。他對此感到遺憾和無奈，指「唔知條（紅）線喺邊度」，又指經內部嚴謹審查後，決定繼續出售《亂流》：「點解一本旅遊書需要下架呢？我哋覺得少少唔合理。」

「如果話到比我哋聽犯咗邊條法，我哋會即時下架，但係佢哋講唔到比我哋聽嘛，所以我冇理會到。我哋覺得唔敏感。」

會否擔心繼續出售該書或會有後果，例如明年無法參展？伍自禎坦言憂慮，但「太被動啦，我哋無能為力」。

全文可點擊 IG 個人檔案的連結閱讀