真。香港人 - 討論組

[扮低B嘅女人都要小心］
記得佢五年前受傷，所以奧運一開始我就好關心佢嘅賽事。喺朋友屋企搵佢嘅highlight，「我話佢係劍擊一姐喎，不過佢扮低B。」之後我朋友同我講話，「佢讀嗰間中學㗎！」
嗰陣時我知道聞到囉味。不過story係我私人IG已經出咗，鏟都鏟唔切。
其實我朋友圈確實有幾個來自同佢同一間中學嘅人。無獨有偶佢哋屋企嘅生意都同國內有一定嘅關係。畢竟你估依啲學校真係聰明，讀書好，有錢就可以入到咩？唔係間學校要interview你再查家宅做乜嘢？
但係知道佢嚟自嗰間中學之後，佢過分cutie嘅聲都好順理成章。畢竟佢征戰劍壇多年，力爭上游，克服多個傷患，原來仲要喺偉大嘅黨國遊走多年，竟然可以有一個天真無邪單純嘅人設？現實真係有白雪公主？但係自細係上流社會長大，父母長輩Uncle Auntie安排好晒佢嘅人生道路，可愛Cutie嘅形象自然無往而不利。
可惜男人就係天生戇鳩。往往情不自禁地相信扮低B嘅女人係真心。就好似依家好多黃色KOL咁樣相信佢係身不由己。其實香港要搵身份認同，就好似一個單身咗好耐嘅男人，好容易將自己嘅情感投射左係一啲表面上單純可愛容易approach嘅女人身上。知道自己俾人收兵之後就進入denial state，進而開始depress，然後不能自拔。畢竟呢啲人一出世就高高在上，所謂香港人嘅身份認同，佢哋會睇得起咩？
其實單身嘅男士去搵條件好嘅女士都係無可厚非。但係最好嘅方法都係自我增值，做gym，搵多啲錢，培養自己品格為上策。知道對方係觀音就盡快甩身。如果身邊有朋友仲係覆緊兵役，都係叫佢哋快啲退伍啦。搵老婆都係搵返一啲不收篇覆嘅好啲。觀音見真章通常都會嚇死你。
明就明