真。香港人 - 討論組

不經不覺，賣菜絲已經被關282日，呢段時間發生很多，世界已改變了很多，但最緊要是你不要因環境改變很多
9-10-2022(第二百八十二日) 日
1. wow!好正～喺香港世界桌球大師賽！好想篤波啊！有得睇都開心！
以前都有上網睇人哋打比賽，第一次喺電視機睇直播，好緊張～專心唔到寫日常～最後都係睇晒先，好勁啊！清枱啊！

2. 今日聽收音機有啲熟悉嘅音樂我&小靜&妹妹開始聽住嚟跳舞（即係un下un下）
然後有囚友過嚟，我哋各分一邊耳筒比囚友，變咗六個一齊跳聽唔到音樂嘅人淨係見到我哋unun下，而我哋就超high老細望咗我哋幾眼，由我哋繼續跳～

3. 去到放風，我又撩老細玩將隻手放喺對眼度嗰個動作（之前有一個日常有畫）老細話好簡單，但佢做唔到
玩咗陣佢叫我企佢隔離同一個方向做佢睇，佢超奸啊！佢係做我個下捉我隻手落嚟睇，頂！咁就俾佢拆解左！

4. 玩完老細，啊！係同老細玩完先啱嘻，我就撩啲囚友做運動，我諗起容祖兒首歌：「一變四，四變十二」本身得幾個做，啲囚友見到玩得好開心，又加入一齊做， 十幾個圍住個圈做運動「不如我哋一齊蟹步彈去老細到」然後成堆人彈住衝過去老細：「喂！你哋咪過嚟！我唔要！」冇人理佢～照衝然後彈返走

5. 自得其樂，苦中作樂，咩都好，最緊要去面對逆境有好多種方法同態度，時而快樂未嘗不可

本土野Local Yeah