真。香港人 - 討論組

政府新聞網琴日出咗篇專題，話香港人才服務辦公室見4月時舉辦粵語體驗課反應好，於是推出長期課程。

呢個長期課程同香港文匯管理學院合作，為期兩個多月共12節，圍繞日常生活教廣東話。

咁香港文匯管理學院係乜？

黨媒點新聞去年9月介紹香港文匯管理學院係香港大公文匯傳媒集團旗下培訓機構，為新來港人士推出「來港第一課」，仲講明「該課程在政府部門及愛國愛港陣營的認可度高。」

點新聞介紹課程有幾種，開俾香港高才叫「尊享班」，10人一班，每人學費係19,600元。

其實高才自己課金上堂與人無尤，但而家香港人才服務辦公室一齊合辦，唔知係咪代表要補貼學費，咁黨媒學院呢門生意真係大茶飯。