好特賣｜內地超市平價攻港 人龍不絕 顧客無懼質素 同區超市減價迎戰

[emily]

好特賣｜內地超市平價攻港　人龍不絕　顧客無懼質素　同區超市減價迎戰

全文：https://tinyurl.com/3mwsh29t

內地平價超市好特賣 HotMaxx 短短一個月內，在奧海城、荃灣海之戀、葵芳匯開設三間分店。葵芳匯分店昨（28日）開張，以「冇睇錯，真係一折起」宣傳招徠。今早約十時，已有幾十名市民到場購物，收銀枱人龍不絕。店舖面積不大、前身是藥房，通道較窄僅能容略一至兩人，顧客寸步難行。店外則擺放多箱貨品，多名店員不時進店補貨，大部分均操普通話。

「一折起」招徠　可樂價錢「彈出彈入」

超市內大部分貨品包裝都印有簡體字，大多為內地品牌食物，也有部分是國際品牌的各地版本，以內地版為多。店內亦有少數港版貨品，包括標價 $5 的津路烏龍茶和維他檸檬茶，及 $3 的罐裝可口可樂，貨架幾近清空，店內地面擺滿多箱存貨。至於昨日標價 20 元的八罐裝可樂，今早一度加價至 24 元，有市民不滿謂「咁快加咗 4 蚊」。不過午後大批補貨後，再減回 20 元八罐，並改以手寫價錢牌標示。

顧客無懼質素：「有咩唔係大陸落嚟？」「14 億人都係咁食」

曹先生以約 100 元購買了十多包麵包、餅乾等零食「畀個仔食」，他坦言「依啲牌子我都未聽過，全部都係大陸牌子」，但因為便宜所以買，「睇吓得唔得先⋯⋯主要啱唔啱食」。被問是否擔心食物質素，他指「度度嘢都大陸落嚟㗎啦」，「你講比我聽香港有咩唔係大陸落嚟？食嘢、護膚品，咩嘢都係，係咪先」，「食又唔會食死人嘅⋯⋯如果會，佢都死啦」。曹先生料之後會多來這裡買食物，「你知超市不嬲貴過出面好多」。

住在西貢的范生范太，原打算到附近美食嘉年華，經過好特賣便入場消費，用數十元買了洗衣珠和飲品。他們指平時很少北上，在記者提問下才知道店舖來自大陸，坦言未見過店內食物品牌，「唔係好啱我哋口味」、「唔係好想買囉」，打算「買返平時買開嗰啲」。
街坊鄧女士則以 40 多元購買四包零食，形容「真係平」。所購的均是未買過的大陸牌子，她稱「我諗冇問題啩，因為喺得香港賣，香港都會有人 check」，「大陸十四億人都係咁食，應該唔驚卦」。鄧女士又指，惠康百佳等超市價錢很貴，故越來越少去購物，「邊度平咪去邊度」，「就算我響百佳都係買大陸嘢，一樣係咁貴㗎」。

#好特賣 #內地超市 #hotmaxx #集誌社