今日去咗睇一套叫不作浮塵嘅運動紀錄片

[emily]

粗口谷主在英貼地生活

今日去咗睇一套叫不作浮塵嘅運動紀錄片，相信各位今日無睇到嘅短時間內都無機會會睇到，因為佢講咗只係今日會喺英國播一日，所以想同你哋分享返。
呢套紀錄片主要係跟住幾個運動入面嘅參與者，有家長車司機，學生會，前線準爸爸，前線普通市民，片入面主要集中講呢幾位佢哋喺運動入面嘅角色，諗法，所遇到嘅事等等，比時代革命深入，好幾位都俾渣“擔“咗，準爸爸更加喺因為妹妹就嚟出世，準備一個月後退到和理非嘅時間俾渣“擔“，因為佢被擔時身上仲有咪，佢所講嘅嘢更加令我印象深刻。
正義最終都會彰顯！
另外，製作人有提到一點，因為喺外國嘅人即使知道呢個運動，但因為一般外媒所提嘅重點都係喺年輕人身上，所以好多非香港人會以為只係得年輕人參與，所以紀錄片中亦專登講多啲非年輕人嘅參與者俾其他人知道係全香港人嘅運動，由銀髮族到學生都有參與其中。
最後，好似電影製作人所講，葡萄牙經過四十二年嘅獨裁統治，最後都推翻咗政權，按資料所講，即使喺推翻後，亦都經過兩年混亂嘅過渡時期，雖然暫時香港已經變成咁，但各位真香港人即使分隔各地，只要堅持信念，毋忘初衷，終有一日會再走埋一齊打贏呢場仗，邪惡唔會得到永遠嘅勝利，正義終會彰顯！
光復香港，時代革命，各位真香港人加油！
不作浮塵 Hong Kong: City on Fire