是咁的，小弟喺19年社運之中不幸被捕，喺臭格瞓咗兩日，就被帶上court。好彩最後可以保釋，但隨之而然嘅係一年幾嘅擔驚受怕，唔知會面臨啲咩。結果不幸地，判咗入去受靶。
而喺經歷咗一年幾嘅牢獄之災後，終於可以出返嚟，呼吸返自由嘅新鮮空氣。但依然都仲有好多掣肘，特別係未滿21歲（即係我哋叫細仔）要守監管令，短則半年，長則三年。只要負責看管嘅福利官唔撚妥你就可以掉返你入去坐。所以好多嘢我哋部份啱啱出嚟嘅手足唔可以公開攞出嚟講。(然而小弟我唔撚怕死，走來繼續開呢個page
)至於場運動，小弟我對於所做嘅嘢完全唔後悔，只係做得唔夠好。不完美，可接受，需改善。如果俾我揀多次我都會繼續做呢啲我認為啱嘅野。
希望千其千其唔好唔記得，我哋有無數嘅義士因為呢場革命，喪失咗自由，面對着數以年計嘅刑期。亦都有好多好多喪失左佢哋嘅生命。希望大家即使完咗場運動都唔好淨係掛住食M記換Mirror卡。黃店都依然需要被懲罰，在囚手足依然都需要被關注，烈士依然都需要俾人記得。
至於嚟緊呢個page，將會不定時更新，一啲關於喺入面嘅經歷，仲有一啲文宣類嘅嘢。
如果仲有人睇嘅，多謝你哋睇晒篇廢文(sor for1999)
rider_hkger
