#CS2200167 最老字號精神科醫院細路仔科出咗一個超級極品香草芋絲

[emily]

#CS2200167
最老字號精神科醫院細路仔科出咗一個超級極品香草芋絲，人又卸膊又冇料，最重要係做錯嘢永無認衰，仲要擘大眼講大話，病房疫情大爆發當日，作為嗰更主管嘅佢，驚死到閂埋當值室對門，淨係識嗌大咪叫同事做呢樣做嗰樣，自己就死都唔出嚟幫手，最好笑就係病人有冇病徵都好，都有殺錯無放過，每個病人都送1次RAT，上頭知道就即刻出聲，唔該唔好再撩RAT，等ICO進一步指示，但係阿香草芋絲之後就係whatsapp群組出咗1則聲明，話自己淨係撩咗2間睡房病人啫，冇撩哂全部病人，但自己又柒到係report book度寫咗已做RAT病人嘅人數，佢寫嘅人數咪即係全病房病人囉，究竟佢自己知唔知道自己講緊乜嘢？唔好其他人白痴啦！
平時返工又例遲，放工就唔願意走，坐喺度都唔知做乜，試過返P，留到凌晨都唔肯走，但亦都試過返A交更途中，有人講比佢知，有A更同事啱啱受傷，佢嗱嗱淋交完更，即刻攞手袋跑出病房，逃離現場，留比P更執手尾。無論人手夠唔夠，都厚顏無恥地係當值室扮做嘢，連藥都唔幫手派，下下要人三催四請專貴嘅佢出嚟，派派下又借啲意走咗去，大姐，糧就識出，嘢就唔做。呢啲事情只係冰山一角，唔係無向上頭反映，結果去到上上頭嗰度，上上頭就話要包容佢喎。好想講上上頭，妳呢啲叫包庇，係妳一貫的處理手法。
提交時間：29/11/2022 下午8:06