未來見
發表於 : 週五 12月 16, 2022 4:31 pm
未來見
呢一刻距離上庭仲有十四個鐘，有種害怕又想快少少知道結果既感覺，會同自己講聽日九點半之後既身份會唔會唔同呢？ 天氣咁凍，聽日點算呢
會驚，好緊張，又想快少少結束。
由三年前被捕既我到依加經歷咁多既我對呢件事已經好麻目，今朝聽到事務律師打黎既電話：［你記得聽日唔好著有綁繩嘅鞋，著西褲好穿皮帶、記得同屋企人講曬善後既事、準備好求情信、寫好個人背景自述。 ] 好感恩遇到個咁好嘅事務律師 ，佢照顧咗我好多好多。聽日點都好啦，有心理準備，已經諗到入去犯人欄個下個心緊張嘅情況，唔知係咪我黑仔啦，暫時發現去旁聽身邊嘅人都係未有一個有好既結果，不過無論點我都會坦然接受嫁啦～～～～～拿拿臨搞掂佢既心態！
前幾日經過商場見到充滿左聖誕嘅佈置，都會問自己。嚟緊冬至，聖誕、除夕、農曆新年 緊接而來，入到去既話心理應該會好唔平衡，每一刻都去調節緊自己嘅心理狀態。監獄朝六晚十既作息時間，冇咗智能手機，冇咗即刻同人哋聯絡到既通訊軟件、冇得隨時聽歌睇片、呢一排好奢侈咁樣去食野都唔會睇價錢（因為知道自己有得食就好食）同埋發現原來入邊都有好多零食可以食，我會努力啲打工搵錢食多啲零食嫁啦
感覺上我嘅案件就係實質證據同埋疑點利益歸於被告嘅矛盾衝突（咁當然我真係無辜啦
）。 暴動罪真係微小到一個襟章都可以令到你進入定罪既最低門檻，怪誕世界入邊迫使我成長，迫使我接受現實。
不過諗深一層盡快有個結果唔使孭單case冇事當然好，有事都可以出黎之後努力少少追趕番人生進度。
而家嘅我要努力背好探訪人名單嘅名，諗吓仲有啲乜嘢善後未妥當，完全未經歷過摸着石頭過河嘅感覺都幾辛苦，點都好啦我會正面撚模式面對既
。之後我Instagram同Patreon 都會交比屋企人更新，希望大家支持下我分擔下屋企人嘅經濟壓力。裏面嘅資訊唔流通，但係我會盡力分享吓我裏面經歷嘅嘢，拜託家人幫我更新。今晚嘅我應該瞓唔着㗎啦，好似之前DSE放榜嘅感覺。
好多謝每一個愛我嘅人，係時候講一聲暫別。
Pre-Merry Christmas!
哈姆太郎聽日一定會好天嘅？係咪？
Patreon Link : https://www.patreon.com/hongkonger0501
hongkonger0501
呢一刻距離上庭仲有十四個鐘，有種害怕又想快少少知道結果既感覺，會同自己講聽日九點半之後既身份會唔會唔同呢？ 天氣咁凍，聽日點算呢
會驚，好緊張，又想快少少結束。由三年前被捕既我到依加經歷咁多既我對呢件事已經好麻目，今朝聽到事務律師打黎既電話：［你記得聽日唔好著有綁繩嘅鞋，著西褲好穿皮帶、記得同屋企人講曬善後既事、準備好求情信、寫好個人背景自述。 ] 好感恩遇到個咁好嘅事務律師 ，佢照顧咗我好多好多。聽日點都好啦，有心理準備，已經諗到入去犯人欄個下個心緊張嘅情況，唔知係咪我黑仔啦，暫時發現去旁聽身邊嘅人都係未有一個有好既結果，不過無論點我都會坦然接受嫁啦～～～～～拿拿臨搞掂佢既心態！
前幾日經過商場見到充滿左聖誕嘅佈置，都會問自己。嚟緊冬至，聖誕、除夕、農曆新年 緊接而來，入到去既話心理應該會好唔平衡，每一刻都去調節緊自己嘅心理狀態。監獄朝六晚十既作息時間，冇咗智能手機，冇咗即刻同人哋聯絡到既通訊軟件、冇得隨時聽歌睇片、呢一排好奢侈咁樣去食野都唔會睇價錢（因為知道自己有得食就好食
）同埋發現原來入邊都有好多零食可以食，我會努力啲打工搵錢食多啲零食嫁啦
感覺上我嘅案件就係實質證據同埋疑點利益歸於被告嘅矛盾衝突（咁當然我真係無辜啦
）。 暴動罪真係微小到一個襟章都可以令到你進入定罪既最低門檻，怪誕世界入邊迫使我成長，迫使我接受現實。 不過諗深一層盡快有個結果唔使孭單case冇事當然好，有事都可以出黎之後努力少少追趕番人生進度。
而家嘅我要努力背好探訪人名單嘅名，諗吓仲有啲乜嘢善後未妥當，完全未經歷過摸着石頭過河嘅感覺都幾辛苦，點都好啦我會正面撚模式面對既
。之後我Instagram同Patreon 都會交比屋企人更新，希望大家支持下我分擔下屋企人嘅經濟壓力。裏面嘅資訊唔流通，但係我會盡力分享吓我裏面經歷嘅嘢，拜託家人幫我更新。今晚嘅我應該瞓唔着㗎啦，好似之前DSE放榜嘅感覺。好多謝每一個愛我嘅人，係時候講一聲暫別。
Pre-Merry Christmas!
哈姆太郎聽日一定會好天嘅？係咪？
Patreon Link : https://www.patreon.com/hongkonger0501
hongkonger0501