#CS2200179 比條IQ題大家估下（明嘅會明）

[emily]

#CS2200179
比條IQ題大家估下（明嘅會明）
---
從前有個好愛國嘅政府（嗱我無講佢哋愛邊個國家）。呢個政府入面嘅部門，亦都成日話自己好愛國。佢地嘅同事日常用中文溝通，上司用中文向下屬落命令，指導（責？）下屬時亦都係用中文。
但係偏偏佢地呢啲部門做文件時係唔會用中文，反而全部都係用英文。當然呢啲文件亦都係由食物鏈最底層嘅老散做好，之後先攞比上級檢查。呢啲上級檢查文件嘅時候，最愛就係用中文串下屬英文唔好，錯英文文法。
過程：
中文落命令叫你按要求做文件→老散用英文做文件→交比上級檢查+用中文向上級解釋→上級用中文串你英文唔好→老散好灰咁修改文件→重新交比上級→上級再交比上級→上級嘅上級過版→上級嘅上級向管轄嘅地方發佈該文件→其他上級收到文件→其他上級叫另一個老散將份文件翻譯翻做中文→再用中文同其他老散講文件內嘅要求。
---
另外，呢個咁愛國嘅政府，好鍾意請啲英文比中文好嘅人翻嚟，直接做老散嘅上級。試過有呢啲新入職嘅上級竟然話睇唔明啲中文字，識講唔識睇，問個字點讀。
---
問：呢個咁愛國嘅政府，咁愛國嘅部門，究竟係愛邊個國家呢？