1/28/2023 LA-HKCC Soft opening新年快樂！Los Angeles HKCC 祝大家身體健康，龍馬精神，大吉大利，兔年行大運！
首次LA-HKCC活動經已完滿結束！感激大家嘅支持同參興，你哋係HKCC重要嘅一只員
對於入唔到場既朋友，我哋表示萬分歉意
我哋首次活動有好多不足/要改進嘅地方，希望大家多多見諒
Soft opening得以順利完成舉行，首先要多謝所有義工們嘅付出，無你哋幫忙都唔會咁成功！強調一下，個生炒糯米飯同滷牛腩牛筋真係好好食!!
亦都好榮幸邀請到 @hk_forum.losangeles 同 @imyelo1314大駕光臨黎支持我哋舉辦依次既Soft opening!最重要係感謝宣道會活思堂借出場地比HKCC舉辦活動 黎緊我哋都希望繼續同不同嘅機構及本地藝術創作者合作舉辦不同活動！敬請大家繼續多多支持，期待下次同大家見面！
Hong Konger Community Center (HKCC) 係非牟利社區中心，我地成立宗旨係為新舊香港僑民，建立一個「貼地」的文娛康樂、傳承生活及文化的互動場所，令海外同路人都有一個地方聚埋一齊，延續民族未來，維繫香港人既身分、促進營商交流，以及創造港人在地政治力量的平台。希望可以令到港人聚首一堂，協助大家融入當地文化之如，同時可以保留自己既文化。 社區中心定位中性，沒有強烈政治色彩，可與其他現有組織相輔相成。我地亦歡迎不同種族或宗教信仰的居民參與，藉此了解香港人及更為港人融入當地社區。