【鼓舞的小事】

[matrix]

【鼓舞的小事】

最近身邊發生咗兩件事：
1. 中大校友評議會選舉風波
2. 油塘水泥廠示威事件

起初並冇俾呢兩件事牽動太多，因為總覺得係大政治形勢下嘅旁枝末枝——選到又點，唔DQ又點？間廠執咗又點？改變到啲咩？成功到嘅，睇落好似幫唔到個形勢啲咩；失敗咗嘅話，似乎都只不過係又一次嘅「係咁㗎啦」「好出奇呀」。

但細思一下，就發覺其實係幾值得鼓舞嘅事。

疫下三年，加上國安法嘅籠罩，公民社會萎縮，好多公共討論消失，我哋好難再見到「群眾」嘅出現，政權以外嘅聲音亦好難被聽見。

政治嘅其中一環就係爭奪感知：被看見、被聽見嘅權力。冇錯，上文提到嘅兩件事喺大嘅議題面前係旁枝末節，係微塵一樣嘅存在，但亦都印證咗，我哋身邊係仲有人會努力咁為佢哋身處嘅社群爭取緊被看見、被聽見嘅機會。

只要仲有呢啲人存在，未來都係值得期待嘅。

同一時間，我哋有啲咩可以做？至少我哋都可以幫助下佢哋，俾更多嘅人看見佢哋嘅標語、聽見佢哋嘅聲音。

archiinsideblog