真。香港人 - 討論組

#CS2200226
『聞安隊』
宜家竹篙灣入面得百幾個營友，一部份紀律部隊OO同HKA已經撤離，呢排開始大量cut保安又cut清潔，偏偏一大班聞安隊每更長散只cut幾丁友，指揮站仲要放10個隊友入去當值，一個都無cut走，試問一日有幾多確診嘅人入去？每更長官同隊員們日日如是返去吹水吹到交更都未停口，指揮站/大倉/飯組/熱線全部可以用公家電腦煲劇睇波做自己野，C更指揮站玩做到點零两點就瞓，飯組同熱線無皇管唔夠一點已經吹定枕頭，大倉鎖門嚟做乜先，房務有私竇自己閃埋，咁就搵千幾蚊一日，如果之前每更無左$600津貼睇下班聞安隊有無咁熱心。
另外入面隊員轉為OA，點解好多係返梗一更，同HKA一樣大家都係三萬一，人地要編返ABC更，你地唔洗輪更之餘自己篤假放五日十日都可以，又有約滿酬金，呢啲養肥自己友嘅工邊度搵。