我係薯呀！好耐冇見！唔知係出面既你地過成點？安好嗎
？不知不覺間就入咗黎「寄宿」，宿舍入面啲餸菜雖然難食，但不像出面平時説的無味，算係不幸中之大幸！這已經係最大嘅安慰！（我接受到！！） 算係叫適應獄中的生活，睇書已經成為我最日常的習慣！知道有啲係到嘅朋友同埋親人定期入書比我，真係好感激佢地，好有心
。 最近入咗我想睇的東野圭吾 - 嫌疑犯X的獻身，雖然以前係電影院睇過（伽利略係童年最愛，某台以前成日播/loop！）今次第一次睇書既版本，兩位天才鬥智鬥力十分緊湊，非常推薦大家看，我係入面不用兩天就看完了（連探訪時間都帶埋落去
〜jeng！好睇！ 唔知到大家每日睇到咁多壞消息既新聞會唔會有啲麻木呢！我同其他手足都好驚比大家遺忘，由三年前係被告既數字加獨有嘅年齡，到上庭被告no.，再到入獄後在囚編號，由有血有肉既年輕人變成冰冷既數字，真係
有啲令人心酸同不齒....記得有位被告只有一件黑色衫都罪成，替佢好唔抵呢
！唉！另外我開始回信比筆友了！歡迎寄信給我解悶+練字（寫信依一刻已經回晒之前的，請放馬過來<--講笑的！手下留情
記得有位筆友寫了他觀看的電影對白給我：「我們就是微塵，不被世界察覺，卻可以看到彼此」。在此借用他送給我的話，也轉送給你們！希望你們會喜歡！我同其他手足都安好！（寄書都得！如寄信的話想要IG Post或冷知識或Lihkg post解悶呢！）
（最後畫咗依幅畫，祝大家都跟炭治郎一樣斬開迷霧!!）
//待續，繼續下文和手寫信，請上Patreon解鎖更多内容...
薯上
（11-2-2023）
navypotatohk
