今日想純粹地抄下書
From《哲食之道—食物與哲學》(劉彥方) 第2章為何吃肉：肉的代價（pg.17-18)「乳牛的生活環境骯髒而潮濕。牠們長時間站立擠奶，四腿容易發炎和潰爛。英格蘭和威爾斯的農場有大概三成的乳牛有跛足。
很多品種的牛都會長角。農場為了安全，通常會去除牛角，例如是趁牛尚是牛幼，用高熱金屬棒把角從根部鏟起。農場為求方便和減低成本，未必會為牛隻進行麻醉，但牛角連接着許多血管和神經細胞，所以這是極其痛苦的。另外，多數農場也會閹割公牛和給牛烙印，而且往往沒有使用麻醉藥。近年多了農場改用液態氮來烙印，比用燒紅的烙鐵較為人道，但也不是沒有痛楚。」
今日都有同朋友講起食素，佢明唔食動物因為殘忍，但唔明唔食蛋奶，我同佢講蛋奶來源一樣殘忍⋯⋯生蛋雞同食用雞係２種雞，生蛋雞只有生蛋呢個用途，所以一出世就會被分別佢性別，男嘅一律殺，一堆堆用運輸帶運入攪殺機，一跌入去即攪爛成肉漿。（YouTube有片）至於奶就好似上面書中提及嘅情況咁，生活環境同健康好惡劣！去過啲展覽，有團體展示左一件物件，黃色的，好似一個環咁，上面有尖刺，叫我地估係咩。我估唔到呀，原來係套係乳牛B個鼻仔倒，咁佢一想飲奶，d尖刺就會拮到乳牛媽，會痛會縮，就唔會俾B飲奶！係呀d乳牛奶係要賣俾人飲嫁嘛，俾你個乳牛B飲嫁咩~係呀荒謬嫁！我都只有僅有嘅呢啲小知識，背後殘酷真相應該仲多，待大家自己發掘，上網又好，去PETA網睇，睇紀錄片《統治》Dominion！
我都未戒到蛋奶，因為口腹之慾，因為選擇不便，因為健康擔憂（係呢倒），但純素係我方向同目標
我覺得唔係話一知道真相就要即刻改變自己，一切都係個人選擇同優次考量，我只係認為忠於自己選擇嘅同時，有必要去了解背後真相，至少唔係逃避同否認！莉莉心室
