【呢個城市嘅管理寫照】
發表於 : 週三 4月 05, 2023 1:09 am
【呢個城市嘅管理寫照】
WOW…一連幾單食環署新聞難得地勾起我興趣。一單係我好想食嘅「糖炒栗子」，另一單係「垃圾房畫廊」。
先講「畫廊」。最近好似非常多街頭民間藝術，只要一吸引到大眾眼球，而個「藝術」唔係經由任何人批准製作之後，就會被超越光速的速度消滅咗。依家只係垃圾房休息嘅地方掛幾張畫，結果又造一單「PR災難」
。其實，有無咁緊要到要咁大動作呢？喺呢個城市留返多少真正嘅民間藝術空間俾市民開心下唔好咩？不過如此蠢材嘅我係唔會明白天才們嘅諗法。
另一單係長沙灣木頭車炒栗子婆婆。成件事幾悲慘嘅。九十幾歲要推車炒栗子，仲要係全港僅有嘅300個流動小販牌持有人之一。過多幾年，呢啲風景都唔會再有。早排我仲非常懷念街邊啲炒栗子，一個雞皮紙袋裝住拎到返屋企仲熱焫焫到，手完全掂唔到！所以特登畫咗一張聖誕卡同炒栗子有關。日後見到一定要幫襯！唔喺錯過咗，以後都好可能無得食！
個執法程序…唉，只係呢個城市嘅另一個管理寫照。現實得嚟又只可以無奈…
啊，另一有文化遺產係「雪糕車」，亦係買少見少嘅事物。日後行過見到我都會買返個雪糕食～
2023.3.10
--------------------------------------------
如果大家想支持文浩，歡迎訂閱、追踪：
patreon: https://www.patreon.com/manhoinjail
FB:文浩的365日
manhoinjail
WOW…一連幾單食環署新聞難得地勾起我興趣。一單係我好想食嘅「糖炒栗子」，另一單係「垃圾房畫廊」。
先講「畫廊」。最近好似非常多街頭民間藝術，只要一吸引到大眾眼球，而個「藝術」唔係經由任何人批准製作之後，就會被超越光速的速度消滅咗。依家只係垃圾房休息嘅地方掛幾張畫，結果又造一單「PR災難」
。其實，有無咁緊要到要咁大動作呢？喺呢個城市留返多少真正嘅民間藝術空間俾市民開心下唔好咩？不過如此蠢材嘅我係唔會明白天才們嘅諗法。另一單係長沙灣木頭車炒栗子婆婆。成件事幾悲慘嘅
。九十幾歲要推車炒栗子，仲要係全港僅有嘅300個流動小販牌持有人之一。過多幾年，呢啲風景都唔會再有。早排我仲非常懷念街邊啲炒栗子，一個雞皮紙袋裝住拎到返屋企仲熱焫焫到，手完全掂唔到！所以特登畫咗一張聖誕卡同炒栗子有關。日後見到一定要幫襯！唔喺錯過咗，以後都好可能無得食！個執法程序…唉，只係呢個城市嘅另一個管理寫照
。現實得嚟又只可以無奈…啊，另一有文化遺產係「雪糕車」，亦係買少見少嘅事物。日後行過見到我都會買返個雪糕食～
2023.3.10
--------------------------------------------
如果大家想支持文浩，歡迎訂閱、追踪：
patreon: https://www.patreon.com/manhoinjail
FB:文浩的365日
manhoinjail