我的柬埔寨網上求救體驗（模擬）
發表於 : 週五 8月 19, 2022 6:05 pm
我的柬埔寨網上求救體驗（模擬）
吳文遠 Avery Ng
阿保安局局長話，如果你喺柬埔寨俾人禁錮，而流動數據微弱，可以上網填寫求助表格。咁以防萬一，我就模擬下自己真係俾人禁錮，但係又唔知點解有手提上網，嘗試用下入境處嘅網上求救啦，體驗下香港政府嘅創新求救科技。起碼以後真係俾人拐帶禁錮，都知道點做吖嘛。
我模擬自己喺柬埔寨KK園區，徬徨無助，第一時間，我當然係上入境處網址啦，而又真係，廣告底下第一行就係「協助在外香港居民小組網上求助表格」，我心諗，終於有救啦！
跟住，我撳入去條link，load咗一load，咦，點解彈我去第二個網站嘅？原來彈我去咗香港政府新聞公報個網站，俾我睇「入境處推出網上求助表格供在外港人求助」個新聞稿。
個新聞稿就叫我上app store下載入境處個app，又或者撳入去另外一個入境處link。咁我心諗，危急關頭，梗係直接撳條link啦，點知條link話「系統繁忙，請稍後再試。」
咁我唯有download入境處個app啦，好彩禁錮我嗰個人仲未發現我上緊網（#禁錮中國人的原來都係中國人）。雖然數據微弱，但勉強都喺柬埔寨山區download咗63.7MB嘅香港入境處app。
我一開個app，見到張智霖嘅微笑，我當堂安心咗好多，我仲諗，如果我有日逃出生天，我要記得去換返張智能身份證先。講返入境處個app，其實版面設計都幾好，第一版最底下就見到「協助在外香港居民小組」，我撳入去，就即刻有個掣俾我「提交求助表格」。
幾經辛苦，我終於可以填表求救啦！我周圍望兩下，確保冇人睇到我上網，我手震震咁喺入境處個app入邊撳個「提交求助表格」掣。佢居然彈我返出去Safari，load咗幾下，原來又入返去入境處個網站入邊，又係返入去之前新聞稿入邊條link，又係「系統繁忙，請稍後再試。」
我唯有瘋狂撳refresh，撳咗1分鐘到，終於入到去個表格啦！個表格除咗問我攞基本資料之外，仲可以俾我上載圖片添，不過唔知點解，表格叫我自己填「所在位置」，但係又冇得用分享即時定位功能？同埋我一定要俾個電郵同電話號碼，如果唔係交唔到表。
幾經波折，最後我終於都係放棄，還返個電話俾禁錮我嘅大隻佬，同佢講「Sorry，#個政府太廢，#我都係唔番香港喇。」
#試過先知得唔得
#系統繁忙 #請稍後再試
#網上求救表格
#說好香港故事
吳文遠 Avery Ng
阿保安局局長話，如果你喺柬埔寨俾人禁錮，而流動數據微弱，可以上網填寫求助表格。咁以防萬一，我就模擬下自己真係俾人禁錮，但係又唔知點解有手提上網，嘗試用下入境處嘅網上求救啦，體驗下香港政府嘅創新求救科技。起碼以後真係俾人拐帶禁錮，都知道點做吖嘛。
我模擬自己喺柬埔寨KK園區，徬徨無助，第一時間，我當然係上入境處網址啦，而又真係，廣告底下第一行就係「協助在外香港居民小組網上求助表格」，我心諗，終於有救啦！
跟住，我撳入去條link，load咗一load，咦，點解彈我去第二個網站嘅？原來彈我去咗香港政府新聞公報個網站，俾我睇「入境處推出網上求助表格供在外港人求助」個新聞稿。
個新聞稿就叫我上app store下載入境處個app，又或者撳入去另外一個入境處link。咁我心諗，危急關頭，梗係直接撳條link啦，點知條link話「系統繁忙，請稍後再試。」
咁我唯有download入境處個app啦，好彩禁錮我嗰個人仲未發現我上緊網（#禁錮中國人的原來都係中國人）。雖然數據微弱，但勉強都喺柬埔寨山區download咗63.7MB嘅香港入境處app。
我一開個app，見到張智霖嘅微笑，我當堂安心咗好多，我仲諗，如果我有日逃出生天，我要記得去換返張智能身份證先。講返入境處個app，其實版面設計都幾好，第一版最底下就見到「協助在外香港居民小組」，我撳入去，就即刻有個掣俾我「提交求助表格」。
幾經辛苦，我終於可以填表求救啦！我周圍望兩下，確保冇人睇到我上網，我手震震咁喺入境處個app入邊撳個「提交求助表格」掣。佢居然彈我返出去Safari，load咗幾下，原來又入返去入境處個網站入邊，又係返入去之前新聞稿入邊條link，又係「系統繁忙，請稍後再試。」
我唯有瘋狂撳refresh，撳咗1分鐘到，終於入到去個表格啦！個表格除咗問我攞基本資料之外，仲可以俾我上載圖片添，不過唔知點解，表格叫我自己填「所在位置」，但係又冇得用分享即時定位功能？同埋我一定要俾個電郵同電話號碼，如果唔係交唔到表。
幾經波折，最後我終於都係放棄，還返個電話俾禁錮我嘅大隻佬，同佢講「Sorry，#個政府太廢，#我都係唔番香港喇。」
#試過先知得唔得
#系統繁忙 #請稍後再試
#網上求救表格
#說好香港故事