真。香港人 - 討論組

【探訪日記5】

又同大家更新下小黑近況先～

今次去探小黑，換左短袖衫褲，代表住夏天嘅來臨
一年四季入面，小黑係最怕凍，熱都唔怕
但聽聞過翻學嘅夏天係好煎熬
都會係驚左 尤其噏噏嘅煩蚊
希望今個慢長嘅夏日唔會熱到著火啦
由冬季到夏天生活 又好似代表住時間嘅流逝

每日嘅天氣都會影響住嘅心情
有陽光嘅日子個人都精神啲，好事都會發生多啲
無陽光嘅日子又真係會發生啲唔好嘅事
好似朋友仔要轉倉過界，個日餐單唔好食
最唔好係啲衫唔乾會好”up””
呢排最開心嘅事係睇電視機時間同埋紅日假期嘅電影時間
係播running man 同周星馳嘅電影啊
雖然無得揀睇咩電影 但笑下又好快過一日了～～

終於捱過呢個回南天，去到夏天了
希望黎緊日日天氣都係陽光普照 藍天白雲
咁係入面都會過得開心啲
新一季嘅黎臨 代表我距離放學又近左啲啲了

lazy.smallblack