思解剖
發表於 : 週五 5月 19, 2023 5:07 pm
思解剖
高中生物堂都會學解剖，我果時有劏過牛眼同青蛙，或者有啲人仲劏過老鼠。
牛眼係要自己買的，要特意去街市肉檔同賣肉佬講要買牛眼黎上堂，問佢有冇貨或者叫佢下次留俾我地。望住呢粒平時唔會見到嘅牛眼，原來好大，拳頭細啲，我記得我果下覺得好奇妙，好期待解剖。
劏青蛙更是有趣，記得果時學校開放日喺生物實驗有個攤位就係「解剖青蛙」，係個人人都搶住做嘅崗位，而我都極渴望做果名持刀者。精準鋒利地𠝹開肚皮，摺開、窺探內在器官、組織，盡是興奮。有次一開，青蛙個肺仲持續脹大，好有趣，我地亦會唧水落心臟位置，心會因神經反應（我唔記得左了
）而繼續跳動。作為一個好鍾意生物嘅學生，可以用呢種全新嘅方式去接觸同認識動物，大開眼界，我係好喜歡解剖。
讀大學，我揀左選修生物學，有一科必修嘅課程，需要學習解剖，不論動、植物。動物包括捕魚時無意被撈上黎嘅小鯊魚，由外國訂番黎嘅蚯蚓，喺餐廳後巷捉嘅曱甴（唔知呢個係咪真係後巷捉），喺街市買嘅魷魚。
劏小鯊魚係小心翼翼，佢真係好可愛，我地要將每塊鰓都𠝹開清晰呈現，唔可以劏爛；劏蚯蚓係奇特，原來蚯蚓可以咁長，咁大條，但我地要睇嘅器官都逼哂係小小節，難搞；劏曱甴係恐懼，啊!!!!!!!! 我怕，真係好嘔心；劏魷魚係高級感，將普通食材套用一種精緻嘅方法去切開。
呢啲都係我好真實嘅感受
我會話我真係好鍾意解剖，果種有趣、新奇同刺激感似乎係無可取替!? 但當教授宣佈我地考試果時要劏多次魷魚嘅時候，我叮一聲，開始重新思考解剖學習到底係咩一回事。
若解剖是為了親眼觀看生物內部結構，咁係咪一隻已解剖嘅生物就可以供所有學生觀看呢? 若解剖係為左精練學生嘅解剖技巧，有必要嗎? 我將來冇打算從事需要解剖嘅工作或進修，而區區4次嘅解剖經驗，算不上甚麼，若解剖於將來有用，到時學一啲都唔遲，而且更實際! 若果要為每個學生嘅解剖作評分，大可以於每一次解剖都作即時評分，不必又額外犧牲多一隻動物，作已做過的解剖，以用於評分。
當其他同學討論緊洗唔洗去街市買條魷魚作練習去應付考試果時，我個腦浮現左以上等各提問。思考良量後我決定去詢問教授，我可唔可以考試唔劏魷魚!
雖然預知到個答案，但我都用電郵提出自己嘅想法，獲教授於課堂上回覆。佢解釋解剖魷魚係考試嘅一部分，佔一定比例，而呢個課程係生物學必修，如果唔合格，就畢唔到業。佢亦有提及魷魚都係一個好普通嘅食材，你唔係食素，平時都會食用，只係今次用左黎解剖。（我果時未係素食者。）
我最後有劏到，哈，其實或者我都係利用教授去令自己更合理化去劏果隻魷魚。如果個課程係遲1、2年已經食素嘅我去上，係咪就可以有種唔同嘅選擇? 如果我當時有勇氣放棄果部分嘅評分，拚老命地係其他部分考高分去合格，係咪可以更堅定提出我嘅疑問、我嘅睇法? 但我都欣賞自己有為做緊嘅事去作出思考，並提出意見、疑問，而非全盤接受思考很重要! 發聲亦重要!
其實已經有人研發左仿真青蛙，係有埋內臟的，專供人去解剖學習，取替真動物，希望可以更普及於學校市場，亦有其他仿真動物可用。再唔係睇片都學到姐，VR囉記得中學老師都有播人體解剖片，我地又唔係將來行醫，睇片都夠，要行醫果啲，第時職業訓練（大學）再實戰~
莉莉心室
高中生物堂都會學解剖，我果時有劏過牛眼同青蛙，或者有啲人仲劏過老鼠。
牛眼係要自己買的，要特意去街市肉檔同賣肉佬講要買牛眼黎上堂，問佢有冇貨或者叫佢下次留俾我地。望住呢粒平時唔會見到嘅牛眼，原來好大，拳頭細啲，我記得我果下覺得好奇妙，好期待解剖。
劏青蛙更是有趣，記得果時學校開放日喺生物實驗有個攤位就係「解剖青蛙」，係個人人都搶住做嘅崗位，而我都極渴望做果名持刀者。精準鋒利地𠝹開肚皮，摺開、窺探內在器官、組織，盡是興奮。有次一開，青蛙個肺仲持續脹大，好有趣，我地亦會唧水落心臟位置，心會因神經反應（我唔記得左了
）而繼續跳動。作為一個好鍾意生物嘅學生，可以用呢種全新嘅方式去接觸同認識動物，大開眼界，我係好喜歡解剖。讀大學，我揀左選修生物學，有一科必修嘅課程，需要學習解剖，不論動、植物。動物包括捕魚時無意被撈上黎嘅小鯊魚，由外國訂番黎嘅蚯蚓，喺餐廳後巷捉嘅曱甴（
唔知呢個係咪真係後巷捉），喺街市買嘅魷魚。劏小鯊魚係小心翼翼，佢真係好可愛，我地要將每塊鰓都𠝹開清晰呈現，唔可以劏爛；劏蚯蚓係奇特，原來蚯蚓可以咁長，咁大條，但我地要睇嘅器官都逼哂係小小節，難搞；劏曱甴係恐懼，啊!!!!!!!! 我怕，真係好嘔心；劏魷魚係高級感，將普通食材套用一種精緻嘅方法去切開。
呢啲都係我好真實嘅感受
我會話我真係好鍾意解剖，果種有趣、新奇同刺激感似乎係無可取替!? 但當教授宣佈我地考試果時要劏多次魷魚嘅時候，我叮一聲，開始重新思考解剖學習到底係咩一回事。若解剖是為了親眼觀看生物內部結構，咁係咪一隻已解剖嘅生物就可以供所有學生觀看呢? 若解剖係為左精練學生嘅解剖技巧，有必要嗎? 我將來冇打算從事需要解剖嘅工作或進修，而區區4次嘅解剖經驗，算不上甚麼，若解剖於將來有用，到時學一啲都唔遲，而且更實際! 若果要為每個學生嘅解剖作評分，大可以於每一次解剖都作即時評分，不必又額外犧牲多一隻動物，作已做過的解剖，以用於評分。
當其他同學討論緊洗唔洗去街市買條魷魚作練習去應付考試果時，我個腦浮現左以上等各提問。思考良量後我決定去詢問教授，我可唔可以考試唔劏魷魚!
雖然預知到個答案，但我都用電郵提出自己嘅想法，獲教授於課堂上回覆。佢解釋解剖魷魚係考試嘅一部分，佔一定比例，而呢個課程係生物學必修，如果唔合格，就畢唔到業。佢亦有提及魷魚都係一個好普通嘅食材，你唔係食素，平時都會食用，只係今次用左黎解剖。（我果時未係素食者。）
我最後有劏到，哈，其實或者我都係利用教授去令自己更合理化去劏果隻魷魚。如果個課程係遲1、2年已經食素嘅我去上，係咪就可以有種唔同嘅選擇? 如果我當時有勇氣放棄果部分嘅評分，拚老命地係其他部分考高分去合格，係咪可以更堅定提出我嘅疑問、我嘅睇法? 但我都欣賞自己有為做緊嘅事去作出思考，並提出意見、疑問，而非全盤接受
思考很重要! 發聲亦重要!其實已經有人研發左仿真青蛙，係有埋內臟的，專供人去解剖學習，取替真動物，希望可以更普及於學校市場，亦有其他仿真動物可用。再唔係睇片都學到姐，VR囉
記得中學老師都有播人體解剖片，我地又唔係將來行醫，睇片都夠，要行醫果啲，第時職業訓練（大學）再實戰~莉莉心室