有心人
發表於 : 週二 5月 23, 2023 7:34 am
有心人:
自從判到依家都幾個月，喺呢度嘅生活都習慣晒，加上我自問適應力唔差。老實講監獄嘅環境冇想像中咁難捱，每日都係風平浪靜，好似監獄風雲嗰啲橋段都冇乜點發生，起碼我未見過啦。同埋呢度背山面海，個景都幾靚，間唔中會見到貓，可以親親大自然。其實係有啲似去咗讀寄宿學校咁，每日有既定時間表，見到老師同學講早晨打招呼，相處得幾好，因為其實有好多人都係衰DD，至於其他嚴重啲嘅殺人、風化我接受唔到就避得就避。至於伙食係清淡啲啫，份量嚟講我喺出面餐餐都食勁多肉，啲肉就一定唔夠我食，不過冇計鬼叫自己大食，但生果嚟講我出到去應該唔會再想食橙，橙bb都係一星期一次，但呢度每晚都有，食足幾年點都會厭啦。
一直都覺得呢度同外面係兩個世界，喺呢度啲人好似死咗咁，外面發生咩事基本上都同自己再冇關係，唔怪得之探訪啲人會叫拜山，只有拜山、寫信收信嘅時候先會打通返兩個世界。最近睇咗本書叫《被討厭的勇氣》，書入面話所有煩惱都嚟自於人際關係都有佢嘅道理。有人關心自己，同外界有聯繫當然係件好事，令我覺得自己仲生存緊，唔係冇靈魂嘅行屍走肉。但呢啲聯繫、羈絆會令我擔心重視嘅人，嚮往外面嘅世界，而自己咩都做唔到，只能夠等時間過，呢種無力感好難頂。如果我同外界冇連繫嘅話就唔洗再為呢啲嘢而煩惱。呢度識咗啲坐咗十幾年嘅人，基本上都唔會有呢啲煩惱，唔知係坐慣咗睇化晒定係佢哋已經在冇重視嘅羈絆，如果係後者嘅話真係可憐可悲。希望我可以繼續同外面嘅人保持聯繫，講到尾都係身處呢度先令我咁無力、困擾，冇自由真係坐監最大嘅懲罰呀！
波吉王子
16/5/2023
princebojiiii
自從判到依家都幾個月，喺呢度嘅生活都習慣晒，加上我自問適應力唔差。老實講監獄嘅環境冇想像中咁難捱，每日都係風平浪靜，好似監獄風雲嗰啲橋段都冇乜點發生，起碼我未見過啦。同埋呢度背山面海，個景都幾靚，間唔中會見到貓，可以親親大自然。其實係有啲似去咗讀寄宿學校咁，每日有既定時間表，見到老師同學講早晨打招呼，相處得幾好，因為其實有好多人都係衰DD，至於其他嚴重啲嘅殺人、風化我接受唔到就避得就避。至於伙食係清淡啲啫，份量嚟講我喺出面餐餐都食勁多肉，啲肉就一定唔夠我食，不過冇計鬼叫自己大食，但生果嚟講我出到去應該唔會再想食橙，橙bb都係一星期一次，但呢度每晚都有，食足幾年點都會厭啦。
一直都覺得呢度同外面係兩個世界，喺呢度啲人好似死咗咁，外面發生咩事基本上都同自己再冇關係，唔怪得之探訪啲人會叫拜山，只有拜山、寫信收信嘅時候先會打通返兩個世界。最近睇咗本書叫《被討厭的勇氣》，書入面話所有煩惱都嚟自於人際關係都有佢嘅道理。有人關心自己，同外界有聯繫當然係件好事，令我覺得自己仲生存緊，唔係冇靈魂嘅行屍走肉。但呢啲聯繫、羈絆會令我擔心重視嘅人，嚮往外面嘅世界，而自己咩都做唔到，只能夠等時間過，呢種無力感好難頂。如果我同外界冇連繫嘅話就唔洗再為呢啲嘢而煩惱。呢度識咗啲坐咗十幾年嘅人，基本上都唔會有呢啲煩惱，唔知係坐慣咗睇化晒定係佢哋已經在冇重視嘅羈絆，如果係後者嘅話真係可憐可悲。希望我可以繼續同外面嘅人保持聯繫，講到尾都係身處呢度先令我咁無力、困擾，冇自由真係坐監最大嘅懲罰呀！
波吉王子
16/5/2023
princebojiiii