過去，唔少傳媒盡心盡力為大家追求真相；持平公道為事實發聲，但能夠守得住呢個信念嘅日子可能已經無多。
生活喺呢個時代，我哋做事只求無愧於心，守護普世價值。
我哋已經去到退無可退嘅時候，就算只係得翻你同我喺路上，劫後餘生嘅我哋會繼續抗爭到底。就算唔喺香港，我哋仍然會努力做得更多。
堅持信念，團結盡做。
為咗手足，為咗下一代，為咗可以見證光復後嘅香港，幾攰都要撐住！
另外嚟緊6月19日，喺倫敦有手足自發嘅「香港人撐蘋果」活動，希望可以話俾世界各地有共同信念嘅朋友聽，港共點樣接二連三咁以莫須有既罪名拘捕一間傳媒既老總同高層，試圖掩蓋真相；點樣用白色恐怖，去對付每一位守護真相同追求公義嘅市民。
當我哋喺英國仲可以自由表達意見嘅時候，希望大家都會同我哋一齊行出嚟，用行動，用文宣，替香港嘅手足，講出佢哋已經無法再講嘅真相。 by BHK小編倫敦自發活動資料。
日期: 19/6 週六 時間: 1300 BST 集合地點: 倫敦Leicester Square 時間 Time : 1430 BST 集合地點 Location : 倫敦 中國大使館
希望大家可以自備英文文宣，主題可以喺： ‧ 捍衛公義
‧ 言論自由
‧ 守護真相
‧ 對抗暴政
為了同與市民有更好嘅交流，鼓勵大家更多使用英國
及香港旗幟，以示香港人爭取嘅民主自由人權等英國普世價值同佢哋息息相關，唇寒齒亡。如果詳情有改變會喺度通知各位，敬請留意。
▍BHK Channel
t.me/britonshk
▍討論區
bit.ly/BHK612TG
#applydaily #truth #righteousness #anticcp #撐蘋果 #撐真相 #撐公義 #BHK
