真。香港人 - 討論組

【探訪日記8】

黎到五月嘅尾聲 ，代表真正踏入夏天啦
前排熱到癲左 ，一訓醒成個人都會濕曬
無論郁定唔郁都係爆汗、痴笠笠嘅狀態
真係躺平都唔掂
心靜自然涼呢樣技能仲係學習緊
相信過多幾個夏天係唔難學成嘅
一日最爽就係沖凍水涼嘅時間

除左熱 ～仲見識到好多唔同種類嘅昆蟲
夏天係佢地嘅出沒季節了
夜晚時間最多飛蟻，仲會有奇怪嘅毛蟲出現
（係黑白色、有半隻手指尾長仲有12隻腳行得好快都真係幾驚下）
好彩嘅係呢兩日落完大雨 天氣又涼翻啲 無咁熱了 開心～

不過天氣好就最好啦 ，因為成日落雨會好掛住放風時間
會想去睇下天空 ，聽下治治癒嘅海浪聲
夏天最想做嘅運動係游水
依家唯有沖涼個時幻想下啦 掛住陽光與海灘嘅日子🏖

的確係入面要重新習慣好多野 就好似原來有得涼冷係咁珍貴
以前生活有好多野都不知覺理所當然左
依家入左黎一段時間啦都真係明白到咩叫當失去之後先學識珍惜
好多野未必無理所當然 雖然好似好老土
但真係學識感恩擁有嘅一切
不過放學之後我一定會日涼夜涼冷氣

-
如果大家想了解更多小黑生活同支持小黑
歡迎訂閱,follow:
Patreon :http://patreon.com/lazysmallblack

lazy.smallblack