【王宗堯涉暴動案明日開審 感謝過去幾年獲好友邀請幕前工作：由衷感激你們沒有放棄過我】

[emily]

【王宗堯涉暴動案明日開審 感謝過去幾年獲好友邀請幕前工作：由衷感激你們沒有放棄過我】

王宗堯涉及2019年嘅暴動案，會喺聽日（29號）開審。由於有官司在身，呢幾年宗堯嘅演員工作量大幅減少，但佢有經營網店，同時亦有一啲演出機會，今日佢喺社交平台發文，多謝呢幾年嚟幫助佢喺幕前演出嘅人，包括杜汶澤、田蕊妮簽佢成為《喱騷》首位包薪合約藝人、安排佢拍攝《在官塘下體現愛的故事》及《黃秋生大師班》，另外周冠威導演亦邀請佢拍電影《1人婚禮》，仲有袁彌明邀拍廣告等等。
宗堯稱：「這幾年，還好還有他們，我依然有機會在大大小小的螢幕上出現，由衷感激你們沒有放棄過我。」宗堯話自己會加油，杜汶澤仲留言多謝返宗堯經常幫忙，宗堯回覆「多謝你同杜太沒有放棄support我哋」。
#王宗堯 #囧報 #smartposthk