Toronto Pride Month
發表於 : 週三 5月 31, 2023 5:03 pm
Toronto Pride Month
一年一度Pride Month又到啦。你知唔知係咩黎架呢?
Toronto Pride Month追源溯始可以帶我地去到另一個好近我地嘅北美城市 - New York City。 1960年代，喺公眾場合展現任何同性嘅親暱行為，包括拖手，接吻或者一齊跳舞都屬於非法行為。喺當時嘅政治環境之下，警察經常去gay bars突擊查牌。當時嘅Stonewall Inn酒吧係NYC gay community嘅集中地。1969 年紐約警察突擊去Stonewall Inn查牌，其中一個警察執法其間撞傷一位lesbian嘅頭部，依個lesbian 大叫向其他人求助，而依一叫就成為咗引發當時嘅同志組群反抗嘅契機，數以百計嘅人以持續縱火，掟石頭或樽嚟抗議以示不滿，抗議活動持續咗五日，依一場抗議運動其後被稱為紐約市石牆騷亂(Stonewall Riot)，點燃左現代LGBTQ+權益運動嘅火花。為左紀念呢一個重要時刻，石牆騷亂後嘅1970 年6月28日，紐約、洛杉磯、舊金山同埋芝加哥舉行咗第一次Pride Parade，之後仲演變成依家嘅Pride Month。
而Toronto 第一次Pride Parade 係1981年舉行，由一小群LGBTQ+活動人士係街頭遊行組成。隨著時間嘅推移，遊行規模同支持人數不斷擴大，令到更多人可以了解同接觸到LGBTQ+ 社群。
Toronto嘅Pride Month慶祝活動已擴展到遊行以外，包括各種文化、社交同教育活動。Toronto 亦有舉辦藝術展覽、電影放映、座談會同社區論壇，旨在促進包容和理解。Pride Parade已經成為一場必定唔可以錯過嘅盛典。展示多倫多LGBTQ+社群的多樣性、韌性和自豪。
Pride Month提醒我們，喺LGBTQ+權益方面取得進展嘅同時，亦凸顯咗LGBTQ+社群面臨嘅持續挑戰。Pride Month象徵住團結、接納同追求平等，無論個人嘅性取向或性別認同如何，都應該得到平等對待。
一年一度Pride Month又到啦。你知唔知係咩黎架呢?
Toronto Pride Month追源溯始可以帶我地去到另一個好近我地嘅北美城市 - New York City。 1960年代，喺公眾場合展現任何同性嘅親暱行為，包括拖手，接吻或者一齊跳舞都屬於非法行為。喺當時嘅政治環境之下，警察經常去gay bars突擊查牌。當時嘅Stonewall Inn酒吧係NYC gay community嘅集中地。1969 年紐約警察突擊去Stonewall Inn查牌，其中一個警察執法其間撞傷一位lesbian嘅頭部，依個lesbian 大叫向其他人求助，而依一叫就成為咗引發當時嘅同志組群反抗嘅契機，數以百計嘅人以持續縱火，掟石頭或樽嚟抗議以示不滿，抗議活動持續咗五日，依一場抗議運動其後被稱為紐約市石牆騷亂(Stonewall Riot)，點燃左現代LGBTQ+權益運動嘅火花。為左紀念呢一個重要時刻，石牆騷亂後嘅1970 年6月28日，紐約、洛杉磯、舊金山同埋芝加哥舉行咗第一次Pride Parade，之後仲演變成依家嘅Pride Month。
而Toronto 第一次Pride Parade 係1981年舉行，由一小群LGBTQ+活動人士係街頭遊行組成。隨著時間嘅推移，遊行規模同支持人數不斷擴大，令到更多人可以了解同接觸到LGBTQ+ 社群。
Toronto嘅Pride Month慶祝活動已擴展到遊行以外，包括各種文化、社交同教育活動。Toronto 亦有舉辦藝術展覽、電影放映、座談會同社區論壇，旨在促進包容和理解。Pride Parade已經成為一場必定唔可以錯過嘅盛典。展示多倫多LGBTQ+社群的多樣性、韌性和自豪。
Pride Month提醒我們，喺LGBTQ+權益方面取得進展嘅同時，亦凸顯咗LGBTQ+社群面臨嘅持續挑戰。Pride Month象徵住團結、接納同追求平等，無論個人嘅性取向或性別認同如何，都應該得到平等對待。