睇SCMP見到有篇報道講印度現時有"Pawga"，同狗仔一齊做瑜伽，（《Yoga sessions with shelter dogs melt students' hearts》Mar 29, 2023），第一次聽，好有趣，亦覺得正面，想分享
我未聽過Pawga或者係動物一齊做瑜伽，但原來除左印度，Pawga亦遍佈於其他國家，好似係英國同加拿大，受年青人熱愛。
Pawga有兩個重點：(1)以新元素加入瑜伽，令學生更能享受同放鬆，(2)加入由動物收容所嘅狗仔/貓仔，令人了解多啲，亦增加動物被領養嘅機會，務求一舉兩得，令所有持分者都受惠。
報道提及有研究指出將動物加入瑜伽可以令參加者更加靜心，放鬆，增進心理健康。"We've seen people come to tears during the sessions and tell us that this is what they needed after a stressful week."
活動上嘅狗仔都係黎自收容所，透過Pawga呢個平台可以分享，散播領養嘅信息，而有部分活動收費亦會捐俾動物福利機構去幫更多動物。報道亦分享左有原本怕狗嘅人上左幾堂Pawga之後消除左對狗仔嘅恐懼，甚至仲領養左狗仔。所以Pawga得益嘅不只係人類，亦都可以令大家認識，接觸待領養嘅動物，增加領養機會，或者爭取捐款。
其實好多瑜伽動作都係由前人透過觀察同模仿動物，例如貓、狗、魚、眼鏡蛇等去創作出黎。瑜伽亦提醒人與動物之間嘅關聯同相似，所以將動物帶入瑜伽更可以呈現番人同動物均為生物嘅連結同領人回動物之本嘅原意。
我對Pawga有好大嘅興趣! 最主要佢幫到待領養嘅動物
就我所知，香港應該未有Pawga，但都有啲人狗/貓互動嘅空間同活動，例如有人舉辦人狗野外定向，亦有共享空間（浪浪抱抱）場地有待領養貓供陪伴及領養! 樂見Pawga於港莉莉心室
