真。香港人 - 討論組

#CS2200319
觀塘區醫院長期人滿為患，管理層只會要求不斷加床，將責任推去最無話事權嘅姑娘度
話說一路以來內科每更搵個姑娘（當日總巡）去負責巡各個病房，原本目的係當各病房有疑難時可向她求助，但近幾年此位置變成主責病床分配，搵床俾醫生收人。問題黎啦，到底邊個決定收病人入院？邊個決定俾病人出院？－個無權決定病人去向嘅人真係負責到？唔夠床用call佢哋又會問”而家咁夜你想我點？” 。到要將啲病人轉去其他部門以騰空病床收人，又到班醫生斤斤計較，個個算死草上身，唔肯俾病人轉走，巡多幾個又嘈唔公平，最死係捉住啲姑娘嘈，大佬，你同院長嘈啦，你估啲姑娘無做多幾倍嘢咩，連啲助理同支援同事都因為咁做多好多嘢㗎，日日追時間要收啲在急症室滯留左－定時數嘅病人，－到下午瘋狂轉走啲人又瘋狂抹床趕收人，但人又唔俾夠，完美做到以最少資源做無限工作。所以咪請極請唔夠人囉。