組隊參與St. Jude年度步行籌款】美國兒童癌症醫院 St. Jude Children Research Hospital 每年於9月兒童癌症關注月都會在美國各地舉行步行籌款。我哋一班居住喺美國各地嘅香港人今年決定組隊參與，希望可以身體力行，一齊發揮香港人社群嘅力量，為呢個家傳戶䁱嘅慈善機構籌款，支持治療兒童癌症嘅工作。 #stjudewalkrun
目前「Hongkongers in US」已經有四個隊伍參與，包括三藩市、紐約、聖地牙哥及西雅圖，你有兩個方法可以支持佢哋：
在當地有興趣加入一齊行嘅朋友，可以到以下各隊伍嘅專頁，按「Join This Team」，加入成為其中一員，報名費全免。註冊完成後，你可以分享你嘅個人籌款頁面俾你嘅朋友，鼓勵佢哋加入或者捐款。咁就搞掂㗎啦，到時見！
唔得閑或者唔方便參與嘅朋友，都可以揀其中一個城市嘅香港人隊伍捐少少錢，慷慨解囊，幫行路嘅朋友達標～（捐款頁面將會在11/30停止收取捐款）簡單啲講，就係有力出力，有錢出錢，或者兩樣都出！
另外，我哋歡迎其他城市嘅香港人組隊加入National Team，任何人都可以註冊參加該市嘅步行籌款活動。喺註冊時你可以選擇「Create a new team」並為隊伍命名，之後在加入National Team時搜尋並加入「Hongkongers in US」，咁就成功建立當地嘅香港人隊伍㗎啦！