上次介紹完日本嘅Shibuya，今次就飛去位於南半球正步入秋冬嘅澳洲Melbourne
🛩作為全國第二大城市，擁有於東岸優越地理位置，由香港出發有唔少直行選擇，約9小時航程，更可以作為踏腳石轉飛到南美洲，如果閣下去過留學、工作、長住必定更熟悉一啲在地好去處，否則就由小弟初步分享下墨爾本有的咩吸引嘅必去景點！【Melbourne】
｛The Twelve Apostles｝🏞
雖然唔係墨爾本市內，但之所以最先就介紹係因為嗰處嘅美係小弟當初去東澳嘅最大誘因。呢片被風暴海浪侵蝕嘅景觀位於維多利亞州南部。除咗平時常見到嘅十二們徒石，果度仲有唔少岸邊攤頭近距離欣賞嘅靚位 ，以及坐直升機俯視嘅選擇，而且由Melbourne 出發沿途路經嘅Great Ocean Road已夠哂壯觀，形容為澳洲最top嘅road trip option都仲得。P.S.記住禦寒唔好低估其大風程度。
｛Mount Macedon｝
相對以上來回接近全日車程只需一小時多，係Melbourne 嘅賞楓勝地，位於西北，可以見埋袋鼠、樹袋熊等動物。
｛Yarra Valley ｝
去到澳洲點可以唔去享受紅酒
？雅拉谷除咗本身自然環境寫意，亦係當地最著名葡萄酒產源之一， 愛好wine嘅人必定會enjoy 嗰帶酒莊品嚐同採購嘅體驗。｛Brighton Bathing Boxes｝
原意供一眾沙灘遊客更衣，逐漸被添上各種彩繪及圖案嘅整列小屋，猶如彩虹，好值得大家專程南下打打卡。
｛State Library of Victoria ｝
維多利亞州立圖書館有超過200萬本藏書，充滿文學氣息，而且自身有160多年悠久歷史，其中35米高、480塊玻璃採光嘅八角形拱頂閱讀室係唔少人嘅朝聖地。木造嘅枱櫈亦是八角形延伸。各位有機會參觀下吧！
｛National Gallery of Victoria International ｝
七萬件作品形成嘅藝術氛圍，定期有不同專題展覽，入口彩虹玻璃幕牆，以及中庭嘅馬賽克玻璃天花設計，亦係其獨特之處。
Melbourne 實在太多吸引之處不能盡錄，往南有自然界寶島Tasmania ，往北有五光十色衝浪聖地 Gold Coast ，文化濃都Brisbane ，集Opera House，Bondi Beach等不同類型消閒嘅全面型Sydney 。其有利位置以及自身多元化嘅亮麗都好適合大家作為到訪澳洲時其中一站，甚至乎主角，在下有機會都實再二度遊！
wing_sparkling
