真。香港人 - 討論組

London
6.11 3PM Parliament Square SW1P3JS
IG @bonhamtreeaid

【集會有用？】倫敦612集會將於6月11號舉行

4年唔係一個短時間，呢幾年嚟香港嘅變化非常大，有啲人開始淡忘，有啲選擇沉默……

但4年亦唔係一個長時間，要做到所謂嘅「光復」香港，呢幾年其實可能只係起步，而亦有好多人並冇放棄，唔想辜負其他人嘅犧牲同付出。

每年612，好似又係行禮如儀噉集會，大家出嚟聽完一堆發言之後，又有啲咩嘢改變呢？

但其實，除咗集會之後，喺英國仍然有好多香港人/組織正喺度為香港嘅未來，以唔同嘅崗位、角色努力緊。

而每次重要日子嘅活動，除咗希望可以俾喺英國嘅香港人凝聚一下、互相取暖之外；亦想俾留喺香港嘅人知道，我哋並冇忘記；我哋亦希望令更多人警剔中共嘅滲透同威脅。

尤其係今年英國係對中共嘅態度開始軟化，除咗孔子學院仲未被關閉，香港人活動受到政治打壓，政庇手足等待遙遙無期……種種現象令香港人感到擔憂，我哋絕對要及早阻止「赤化」。

的確，雖然一個集會做唔到啲咩，但好多時，一啲大嘅改變都係由每個小小嘅努力累積出嚟嘅。希望今年都可以見到大家。多一個人就多一分力量，取暖之後，仍有好長嘅路要走，頂住呀！

「守護初心 抵抗赤化」倫敦612集會
日期：6月11日（星期日）
時間：3pm
地點：Parliament Square SW1P 3JX

如果大家想參與之餘仲幫手做義工，請聯絡我哋 t.me/HongKongAid 。感謝

註：今年資源有限，集會音響或許未達致最理想效果嘅，到時候如果影響到大家聽講者嘅分享，請多多包容及體諒。感謝大家嘅耐性。