⠀⠀⠀⠀⠀⠀⠀⠀⠀⠀⠀
//如無意外呢篇文應該係呢個pay床嘅最後一篇，多謝大家呢兩年嚟陪我一齊經歷呢個高山低谷，我嘅患癌貓咪病情亦都喺呢兩年間穩定落嚟，托賴多方支援，衷心感激每一位支持過我嘅人
….⠀⠀⠀⠀⠀⠀⠀⠀⠀⠀⠀ ⠀⠀⠀
//出嚟呢半年我都冇乜寫嘢，一嚟係忙生活，二嚟真係冇乜動力去坐低傾聽下自己嘅內心，同自己對話下。
事實我亦一直拖延，呢篇文嘅題目我四月已經諗好，但一直唔知要點寫落去。既然出咗嚟半年有多，適應到出面嘅生活，都係時候總結一下，正式劃上一個句號。…
⠀⠀⠀⠀⠀⠀⠀⠀⠀⠀⠀
//睇一睇自己篇文嘅標題，就好似我平時最憎嗰啲潑冷水嘅塘邊鶴，喺我幾番掙扎點寫呢篇文嘅時候，都有諗過會唔會變咗潑冷水，好似呢個身位，拎住枝筆，係要有啲社會責任唔可以亂寫嘢。….
⠀⠀⠀⠀⠀⠀⠀⠀⠀⠀⠀
//出嚟之後，我好努力，想去達到改變。
案底，就係一樣點努力都跟你一世嘅嘢，話冇影響就假嘅，真係坐監令人生更精彩咩 (雖然某種意義上都係)。影響係咪話好大呢？如果唔係搵工，基本上都冇乜人會查家宅。聽過有人搵Fulltime最後關頭先話唔請，唔通去平X會投訴有用咩
…另外就係難得離開到Fulltime呢個comfort zone，都想睇下自己可以行幾遠…//所以，我想講咩呢，好老土，
案底係唔可以改變，但心態可以(˶‾᷄ ⁻̫ ‾᷅˵) 改變唔到客觀事實，惟有改變主觀的心。中學有篇課文叫《敬業與樂業》梁啟超寫嘅:
「須知苦樂全在主觀的心，不在客觀的事」
有案底稱唔上係好事，但亦可以唔係一件壞事，有一個危機感去推動自己進步，而唔係將自己拉入萬丈深淵，乜都做唔到。
呢個就係心態。
⠀⠀⠀⠀⠀⠀⠀⠀⠀⠀⠀
希望大家都身體健康，做到自己想做嘅嘢。
繼續堅持，繼續支援。
如果有任何牆內支援嘅問題，都可以隨時pm問，希望可以解答到大家。(都好多人問點樣係牆內繼續箍牙)
manlinthanks
