真。香港人 - 討論組

夏天又到啦，好多美食節又差唔多時候舉行。嚟緊喺 6 月尾係Markham Kennedy & Steeles 舉行嘅Taste of Asia萬錦亞洲文化美食節亦可能吸引到大家去幫襯，想搵番以前係香港掃街嘅感覺。但係大家諗住去之前有無諗過搞手係咩組織呢？

Taste of Asia係由萬錦加華聯會 (FCCM) 同埋加拿大進步穆斯林協會 (APMC) 合辦，其中萬錦加華聯會就係一個親共組織，亦同中領館有密切聯繫。驟眼看來，領事館支持文化及僑民活動理所當然，但中領館及中國僑民組織作為中共海外統戰最前線，已經係不爭嘅事實，FCCM亦於萬錦市市內，以本地非牟利組織嘅白手套身份，舉辦以及協調中共大外宣活動。

由於篇幅限制，希望大家可以到我地ig, fb, medium到了解更多，同時希望大家可以share俾身邊人睇等更多人可以了解。

Ig(chi):

Ig(eng):

我地明白身在異鄉嘅香港人可能特別掛住香港嘅一切，可能有時都會想去下呢啲美食節希望可以搵番一啲昔日嘅感覺。我哋無辦法要求或者阻止大家出席對家活動，但我地只係希望大家可以記住自己嘅初心；記得當日點解要離開我地香港呢個家。喺外地嘅我地要盡量做一啲我地應該要做嘅事，盡量抵制或避免參與一啲由一班支持打壓人權的親共組織舉辦嘅活動，不違我地嘅初心。