真。香港人 - 討論組

湯文亮 - 應該立刻切換亞運吉祥物黃獅
https://lih.kg/3436069

今早開例會，有同事話大件事，今次杭州亞運吉祥物，竟然是一隻黃色獅子，老實說，獅子大多數是黃色，本來是冇問題，但黃獅就唔掂，今次康體處應該孭大大鑊，有一幅相就是班立法會議員與黃獅一齊影，但由於有社群守則，我唔可以放上Facebook ，由此可見，香港人的政治智慧不高，不過，或者是律人以嚴，律己以寬。

如果黃獅在杭州亞運會出現，一定會被那些播錯歌的屬會嘈，話吉祥物用黃獅就得，歌曲用榮光就唔得，唯今之計，要盡快換吉祥物，但同事話應該做唔到，有人已經同有關官員講過，但官員話阿爺都冇反對，點解要改。如果去飲問主人家要不要送禮，如果主人家話人到已經是禮，唔通真係唔送。