《多倫多港人如何延續香港社運》

[emily]

嚟緊我哋係721會舉行公開論壇，以《多倫多港人如何延續香港社運》為題，歡迎大家到場參與。
日期 : 2023年7月21日 （星期五）
時間： 19:30
地點： Mel Lastmann Square 草地範圍

2019距離而家已經過咗4年，而流散海外嘅港人日益增加。呢幾年都有唔少組織希望透過集會傳承記憶，避免大家變得麻木、遺忘歷史。上年呢個日子我哋亦有舉辦過集會，並係Finch station附近人流多嘅地方向local派發單張；想將港共惡行宣揚開去，避免將抗爭停留係圍爐階段。相信睇到呢個post嘅各位，或打算出席我哋呢個活動嘅人都一定知道721呢日發生過d咩事，亦清楚知道事件對我地嘅影響。上一個post我地都有提及見到呢邊嘅抗爭風氣大大減弱，有人沉醉於安逸嘅生活、亦唔少人被無力感拖垮。所以今年我地會以公開論壇代替集會，想聚集呢邊仲未放棄嘅同路人，一齊討論、發表下各自嘅睇法。亦希望以公開論壇打破one way communication模式, 提供一個平台比唔同背景嘅同路人溝通；無論係新移民、流亡人士、老華僑、啱啱放學嘅，或關注香港嘅local都歡迎出席。

論壇將會分成兩個部分，包括 「主題討論」 同 「自由發言時間」
係 「主題討論」 環節， 歡迎大家就 「多倫多港人如何在海外延續香港社運」 為主去討論下大家嘅睇法和感受等；再就相關議題提出可行嘅建議。而「自由發言」時間，我地同樣歡迎任何人揸咪講嘢。呢部分冇特定主題，但希望大家集中於政治/香港人相關議題，避免浪費時間討論八卦或進行商業宣傳等。

屆時我地Somebody會做個簡短嘅開頭嘅發言，之後歡迎各位參與者舉手發言。由於時間寶貴，每次發言時間建議係3分鐘內，限時最多5分鐘。參與者唔一定需要企係台上講嘢，我地會有helper遞咪俾大家。各位可以回應上一位嘅發言、諗到咩就講、或者準備定講稿同大家討論都得。

希望大家明白今次嘅活動屬於公開性質，即使有異見人士舉手發言亦希望大家互相尊重、理性討論，避免人身攻擊，唔好插嘴。最後，呼籲各位參與者做好保護自己嘅措施，小心鏡頭。到時見！