真。香港人 - 討論組

Hong Kong Liberation Coalition - HKLC

大家好，請容許我地喺呢度向大家借兩分鐘時間，
關心一下在囚中嘅手足，同埋了解我地HKLC嘅工作。
我係顏希然，一位喺英國申請緊政治庇護嘅手足，
現時有幸攞到大學嘅獎學金，讀緊大學。
正因為經歷過選擇去留，喺外地漂泊咗一段時間。
令我更加清楚，無論去留，在內在外，呢條路絕對唔容易。
我好感激梁頌恆畀呢個機會我，加入Hong Kong Liberation Coalition - HKLC做有關手足支援嘅工作。
無論在囚與否，香港嘅紅線逐步收緊，
仲喺香港生活嘅手足固然過得唔容易。
但我地認為，往後無論去留都好，我地都有責任、有義務同佢地一齊走落去。
至少到佢地有翻正常嘅生活，甚或至重光嘅一日，咁先係真正嘅齊上齊落。
在內嘅，我地身為已經離開，已經係外地嘅一群人，做到嘅的確唔多。
但我地可以幫佢地預備嘅，就係佢地想離開嘅時候，
我地至少可以提供到有關適切嘅資訊比佢地。
當有足夠資源嘅時候，我地可以提供到支援比佢地。
接住落嚟，我地將會整合一系列去與留嘅資訊。
務求手足可以用最快嘅速度，獲取準確同最更新嘅資訊。
當佢地決定要離開嘅時候，只需要照住有關資訊去準備，就可以離開。
與此同時，我地會持續關注香港放學手足移民嘅現況。
喺有不合理、政治性嘅案底之下，希望可以提供適切幫助比佢地。
喺度呼籲大家繼續關注我地，協助我地對抗社交媒體演算法。
like、comment、share我地專頁嘅內容，讓我地可以接觸多啲唔同嘅手足，帶到我地嘅資訊比有需要嘅人。
同時，如果你地財政上有餘力，歡迎贊助我地嘅工作，
令我地有更多資源可以服務到有需要嘅手足。
多謝大家。