- 2022-09-10 14.52.21.jpg (183.69 KiB) 已瀏覽 438 次
【獨媒報導】懲教署前署長、現任廉政專員胡英明接受高志森訪問，指2019年的「暴動」已部署多年，背後的「黑勢力」更「唔係咁簡單」。他亦炮轟有區議員到監獄探訪期間煽暴，「佢哋探嘅期間不斷煽動緊啲嘢，叫佢哋繼續抗爭，要在囚人士繼續唔好改呀，我哋好支持你。喂大佬！即係啲後生仔都已經因為情況入咗嚟，你仲喺度不斷撥，我同自己講冇可能咁樣。」
點名電影《同囚》 批有人用錢營造懲教署黑暗
在訪問中，胡英明指自2014年佔中、2016年「旺角暴亂」後，懲教署已察覺有勢力「搞緊一啲嘢」。他先點名電影《同囚》，「事實上嗰背景我都唔想再多講」，斥責有人用錢營造懲教署如何黑暗，而同一時間有不少人士因佔中、「旺角暴亂」被判入獄，「不斷抹黑我哋。希望我哋唔敢管佢哋啲人，將我哋誠信打擊到破晒產，咁之後就營造監獄唔係太恐怖啫，我哋都可以控制到。一個預演啦，令到啲人唔驚坐監，後面嘅目的大家心中有數。」
2019年爆發反修例運動，胡英明認為戰爭當時才正式開始，透露曾對同事表示：「呢一轉應該都唔會簡單，因為上次都用咗咁多錢嚟搞我哋，今次咁大規模，我諗個情況就更加會恐怖。」
胡英明：「氹啲細路仔模式犯罪」與黑社會無異
胡英明表示，期間已親身體會對國家安全的威脅，及背後的「黑勢力」，「基本上唔係咁簡單，19年『暴動』，部署咗好多年㗎啦。宜家國安法立咗，大家睇到㗎，雞飛狗走，大家都心中有數。」他指背後的「黑勢力」，「氹啲細路仔模式犯罪」不是新事情，與黑社會氹人入會、販毒無異，「呀，無嘢㗎，你捉到唔會坐監㗎，你俾人捉到之後呢，我就會幫你請律師呀，安家費。」
在2019年區議會選舉，民主派大勝，有區議員向懲教署申請公務探訪。署方其後收緊探訪安排，改以在囚人士的住址作審批。胡英明表示，區議員探訪的次數竟多了50至60倍，強調署方有責任了解，「如果區議員你咪探返自己個區囉，同解釋俾我聽做咩事去探佢，因為我有責任去了解，唔係你要去探十八區，我就俾晒你探十八區。唔係唔俾你探，你俾返個實際原因我囉。」
前年監房爆疫兼顧生產口罩 胡英明：都俾我搞得掂
現年57歲的胡英明，1988年加入前人民入境事務處，出任助理入境事務主任，翌年轉職懲教署任懲教主任，2011年升任懲教事務高級監督，七年間平步青雲，先後出任助理署長、副署長，2018年11月再坐正任懲教署署長。
胡英明在大學師範畢業，本科主修歷史，形容歷史對自己影響深遠。他認為所有事情均有軌跡，「我喺懲教署做管理近呢十年，好多風風雨雨，都係靠呢個理念去管。」他重提2020年監獄爆疫，兼要同時協助政府生產口罩，形容無可能做到，但曾對同事豪言，「不如背水一戰，不如同佢打一仗，但幾次都俾我搞得掂。」
今年7月出任廉政專員 稱學劉邦轉危為機
胡英明在今年3月23日退休，退休後曾加入保安局抗疫特遺隊，7月獲行政長官李家超委任為廉政專員。在出任廉政專員後，胡英明指曾對同事稱，絕不能安於現狀，必須不斷求變和接納別人意見，應像漢高祖劉邦，從逆境中轉危為機。
從懲教署到廉政公署，胡英明認為，懲教署是司法刑事管理最後一環，又以守門員及後衛形容署方的工作，「唔可以俾人衝破，衝破即係輸波，輸波就成個司法體系都會冧，即係冇人驚坐監」。
自詡已打過大小仗 廿幾年日日與在囚人士鬥法
胡英明指在囚人士不但思想複雜，更會用不同方法嘗試影響懲教署人員，但就自詡有豐富應對經驗，「如果角色（在囚人士）提升咗嘅話，佢哋咪有控制權？到時就好混亂。嗰幾廿年我日日同佢哋鬥法，大大小小唔同嘅仗都打過好多場。」
而廉署工作則是「箭頭」，主要負責前線執法，胡英明形容不少貪污人士是「變形蟲」，即上有政策，下有對策，執法者必須鍥而不捨、抽絲剝繭處理。
獨媒報道
