【The Better Self Program 同路前行計劃】

[emily]

【The Better Self Program 同路前行計劃】

Be yourself, but always your better self.
–Karl G. Maesera

即使世界變差，但依然要堅持做更好嘅自己。
2019年嘅時候，應該好少人會估到自己嘅人生從此改變。尤其是嚟到英國尋求庇護嘅手足，喺陌生嘅環境、漫長嘅等待之下，難免會感到前路茫茫。身份嘅未確定、遙望香港情況嘅無力感，有時亦令人不禁意志消沉……

英國咁大，散落唔同城市嘅手足，我哋未必可以親身咁支持到，除咗大家可以繼續透過熱線、Telegram問我哋問題、搵我哋傾計之外，我哋希望行多一步，同大家一齊面對嚟緊嘅挑戰。

港援特別推出呢個The Better Self Program， 顧名思義就係希望透過網上傾談同埋互相鼓勵，期望可以俾到多啲動力大家去重整人生，追返過去幾年嘅時間，思考同發掘人生目標，裝備自己。光復香港係大家嘅夢想，但如果連自己都未整理好，又點樣為香港將來創造改變呢？

計劃重點包括：
Presentation
學習如何「說好自己故事」，如何向其他人介紹自己嘅理念、講述經歷。呢樣相信對於正在等待面試嘅手足尤其重要。

Empowerment
透過經驗分享，讓參加計劃嘅手足更有能力同決心，去規劃人生。即使未獲批身份，但至少可以嘗試搵方向，再睇吓點樣提升自己。

Energy
世界越係不似預期，我哋就越要有心力去面對。我哋會定期發放一啲有啟發性嘅文章、故事，希望大家喺逆境之中，都可以有更好嘅心態同情緒去克服挑戰。

Review & Reward
參加計劃嘅手足定期記低每周學到嘅嘢，累積經驗。另外，我哋亦會為有需要嘅參加者提供每月最多£100嘅giftcard，小小嘅心意，但希望可以作為鼓勵，等手足更有動力留意生活中值得學習嘅事情。

計劃對象：正等候庇護、難民、未有身份嘅香港人
計劃名額有限，截止報名日期：2023年8月7日
當報名後，如一經選中參加計劃，將有專人與您聯絡，講解整個計劃具體執行細節。

報名方法：
可透過此表格報名 https://forms.gle/Ztbo5C3DKWWJmKvL9

如對Google Form有疑慮或有任何問題，亦歡迎透過Telegram t.me/hongkongaid 聯絡或報名