真。香港人 - 討論組

今日黨媒有單奇異新聞，涉及一名全國政協疑似勾結外國勢力抹黑特區政府。

主角係前律師會會長彭韻僖，佢反過佔中又反黑暴，又支持完善區議會，而且仲係全國政協。

點知佢做會長、總部位於澳洲嘅嘅亞太法律組織LAWASIA最近發明聲明，批評香港通緝8人中包括兩名律師，係「試圖對這些律師施加職業限制」。

周浩鼎話LAWASIA包庇通緝犯，今屆律師會會長陳澤銘話LAWASIA施壓行為不能接受，但陳澤銘自己係LAWASIA理事，而LAWASIA現任會長又係彭韻僖，但彭韻僖回應文匯報呢個聲明唔代表佢個人意見喎。

其實袁弓夷言行唔代表袁彌昌，但袁彌昌被警署調查。

其實美國國家民主基金會N年前撥款唔代表職工盟，但黨媒提親職工盟就話佢哋勾結外力。

所謂國家安全不能有缺口，彭韻僖去年在律師會理事會改選踢走開明派仲做會長，小編建議查完佢同屆再查今屆律師會有冇份串謀。

認同請畀讚同分享。