七月過完了。越接近審前覆核，越覺得時間真係走得特別快。

[emily]

七月過完了。越接近審前覆核，越覺得時間真係走得特別快。

返工都係好忙，但都抽咗時間睇咗《奧本海默》。作為一個（自認為）歷史狂迷，我好認真咁睇完呢部戲。最近咁啱又睇咗本太宰治嘅書，入面有幾篇短篇小說，時空背景同《奧本海默》連接咗一齊，覺得呢個巧合好奇妙。咁亦好奇妙咁，可以由兩個唔同角度去睇二戰呢樣嘢。

而睇完戲突然間諗起，有一說法係講原子彈係日本投降嘅原因，亦有一說法係講蘇聯向日本宣戰先係日本投降原因。二戰中，共產主義影響好大，美國急不及待地投下原子彈，一嚟希望唔使發動登陸戰，二嚟防止蘇聯佔領日本，美國擔心日本畀「東西德模式」咁分割。或者正如《奧本海默》入面所講，粒原子彈就係冷戰嘅序幕，再或者咁講，所謂資本主義同社會主義，由頭到尾冇相信過對方。

嗰個時空背景下，知識份子喺讀完資本論等書後認為社會主義嘅國家係佢哋理想嘅烏托邦。但唔多人知道共產主義已經唔同咗樣，共產主義喺史太林時代變成個人崇拜同極權嘅工具，好似同某個時空下嘅某個國家不謀而合。

但自問未讀過呢本社會主義嘅聖經，都係有日睇完先妄加評論啦，可能真係一個美好嘅烏托邦呢？

ksleaving