方仲賢 浸會大學前學生會會長 八月初刑滿出獄 已前往英國繼續學業
發表於 : 週三 9月 14, 2022 4:14 pm
「始終都要向前行，人都係要向前行，都係要讀返書先，繼續去搵條路應該點樣行﹐無論係將來嘅路，定係香港嘅路。」
「唔好令人覺得，社運坐完監出嚟嘅人，係前途盡喪…我至少想俾到個希望人，坐監出嚟其實你係一個新嘅人、一個新嘅開始，可以對人生未來有新嘅憧憬。」
「首先一樣係，唔可以俾人睇死我哋。」
「我自己覺得我會返嚟，就算香港繼續沉淪落去、唔會變好，我都會返嚟，始終個根喺呢度。」
方仲賢 浸會大學前學生會會長 八月初刑滿出獄 已前往英國繼續學業
＊＊＊＊＊
啟程
8月17日晚，機場離境大堂禁區外，方仲賢即將啟程，他「品酒學會」的伙伴、即一班劈酒的酒友，高唱著「會歌」－鄭伊健的《熱血燃燒》，歡送他們的「會長」，另一邊的方仲賢揮手、抱拳致意。
“歲月無情仍願意 為你闖開新故事
情和義今天我知 是我不需一再懷疑
世上無情人在變 義氣本色不太易
但我知 今天到此 生死與你創造名字”
不知何故，方仲賢酒醉時總愛唱這歌，高歌後擁抱道別，方仲賢步入禁區，閘機一度感應不到他的護照，當閘機終亮起綠燈，眾人都鬆一口氣。
「你準備好未？」出發前一晚，我問。畢竟出獄才六日，「其實所有嘢都未settle好。」但既然決定離開，不如爽快前行，「延誤咗學業都三年啦。」確實，大學一年級就做學生會，之後因斷莊做了三屆臨委，加上官司入獄，入大學前後四年，方仲賢「咩credit都無讀過咁滯。」
「你本身浸大讀咩科？」
「唔…歐洲研究！法文！」
出獄後到英國重啟學業，入讀倫敦大學讀國際關係，順理成章，但對方仲賢來說，還有其他意義，「經歷咗呢啲嘢，好多人都無做到、做唔到，點樣搵返生活正軌，好似永遠俾19年、20年嘅事，成為一生陰影。」
他今次出走亦是向前走，是歷險也是探索，「去搵條路應該點行，無論係將來嘅路、定係香港嘅路。」
不是被時代選中的小孩
「坐監嘅時候，講浸大學生會係無人知，講鐳射筆就有人知」，說著方仲賢不禁苦笑。但其實這不太像他原本走的路。
方仲賢說自己是個普通學生，家人甚至有點「藍」，「唔鍾意社會運動，覺得啲人阻街」，後來家人因他被捕入獄慢慢認同他的想法，是後話。總之在中學，他的政治啟蒙是老師，14年他中三亦有參與佔領，「放學去瞓咗一晚，唔知點解阿媽俾我去。」但他認為自己不算最活躍的一群。
到升讀大學，想到老師教過八九民運的歷史，「主導運動都係大學生，大學生對改變社會有一個好重要角色」，於是在上莊遊說下當上浸大學生會會長，19年3月上任。
現在看這巧合似天定，但若將時針撥回19年初，方仲賢的預想與後來發展根本沾不上邊，「你唔會諗到咁波瀾壯闊，影響未來十幾年香港命運、前途」，他當時的理念很簡單，就是做好學生會基本職能，「同學福利、參與大學管治、帶聲音俾學校，令同學留意政治係bonus。」
「嗰時係社運低潮期，係無意志，我19年1月，仲有去深圳飲喜茶。」然後的故事大家都知道，方仲賢笑說，14年時曾流行講「時代選中嘅小孩」，「我諗講嗰個唔係羅冠聰就係黃之鋒，一樣咁中二病。」
「你咁講得唔得㗎…」
「OK，friend嘅，應該唔會嬲。但係我覺得唔係咁樣，我覺得係我哋選擇時代。」
和很多被捕、入獄的人一樣，方仲賢不想訴諸命運，而是選擇，「逃犯條例嚟咪嚟囉，你咪掉人上大陸，關我咩事？唔影響我去飲喜茶、追星㗎。」但他自己也好、香港人也好，選擇了抗爭，方仲賢認為，這是以百萬計香港人集體作出的選擇，「就係我哋揀咗呢個時代。」
而他方仲賢，不過是其中一員。
後悔
說到選擇，若時光倒流選擇會不同嗎？又或者說，有後悔嗎？
「我後悔嘅係」，一直談笑風生的方仲賢小有地凝重，拿起桌上那罐Asahi一飲而盡，「我無做得更好。」更好不是運動應該更進取積極，而是太情緒主導，「去到中後期，我哋好似無咗自我制約，好似失焦、盲目咁去抗衡。」
「進入咗個歇斯底里戰爭狀態，係唔應該出現，我唔係叫你俾人打唔還手，但有無審慎考慮過，高程度武力抗爭係咪可以達到目的？我覺得無。」
難怪要深呼吸、飲啖酒才吐出這些想法，因為這與主流大相徑庭，方仲賢認為社會並至今都很少反思當日種種，例如反修例到五大訴求的轉折，解說是否足夠？裝修、私了，是否全都符合整體策略？當初提出攬炒，對比現況是否社會樂見？「個集體創傷太沉重，好多人因為咁無咗人生方向、甚至人生意義，呢個代價我哋承受唔到。」
「咁講可能會俾人屌得好勁。」
「咪屌囉，我唔想再去保住個學生運動嘅光環。如果講出嚟會令你鬧我，但都會令大家討論，我無所謂。」
運動到某個階段可能趨向情緒化，但同樣真確的是，當時是否有其他選擇？方仲賢覺得有。
「好似大學保衛戰。」二橋之戰、理大圍城，九龍塘多家大學附近堵路，是反修例運動武力衝突的高峰，亦是走向下坡的轉折，「嗰時好深刻，心諗做咩，點解無啦啦會變咗要守大學？」
「大學守衛戰係唔應該出現，我覺得應該stop。」但當時他無表態，因為擔心講出來兩面不是人，若果時光倒流，方仲賢表示他會有不同選擇。
「當時咁講，會俾人話係二五仔收咗錢，但講出嚟可能有人聽，可能改變到未來方向，而家講已經無用，所以我好後悔。」
這是他所說，後悔自己沒有做得更好。
未來
然而往日不可追，未來幾年，方仲賢將做回一個學生，他給自己的目標很簡單，就是過得好，做個更好的人，「唔好令人覺得社運坐完監出嚟嘅人係前途盡喪。」
「你要我受難，你要我痛苦，我偏偏係要活得好開心。」
這亦是他在監中的體會，當時身處鐵窗他不會怪責他人獲得自由、甚至離港，有的只有祝福，「希望出面嘅人過得好啲，有咩好爭拗、怪責，坐監或者離開其實無人想。」
若果世事平順，某個平行時空，方仲賢不會登上前往英倫的班機，聽好友高歌送別，出獄當日方仲賢向記者說，香港會繼續沉淪，但其實他的話未說完，「就算香港繼續沉淪，唔會變好，我都會返嚟，始終個根喺呢度。」
期待在不遠將來，再度把酒共談。
「唔好令人覺得，社運坐完監出嚟嘅人，係前途盡喪…我至少想俾到個希望人，坐監出嚟其實你係一個新嘅人、一個新嘅開始，可以對人生未來有新嘅憧憬。」
「首先一樣係，唔可以俾人睇死我哋。」
「我自己覺得我會返嚟，就算香港繼續沉淪落去、唔會變好，我都會返嚟，始終個根喺呢度。」
方仲賢 浸會大學前學生會會長 八月初刑滿出獄 已前往英國繼續學業
＊＊＊＊＊
啟程
8月17日晚，機場離境大堂禁區外，方仲賢即將啟程，他「品酒學會」的伙伴、即一班劈酒的酒友，高唱著「會歌」－鄭伊健的《熱血燃燒》，歡送他們的「會長」，另一邊的方仲賢揮手、抱拳致意。
“歲月無情仍願意 為你闖開新故事
情和義今天我知 是我不需一再懷疑
世上無情人在變 義氣本色不太易
但我知 今天到此 生死與你創造名字”
不知何故，方仲賢酒醉時總愛唱這歌，高歌後擁抱道別，方仲賢步入禁區，閘機一度感應不到他的護照，當閘機終亮起綠燈，眾人都鬆一口氣。
「你準備好未？」出發前一晚，我問。畢竟出獄才六日，「其實所有嘢都未settle好。」但既然決定離開，不如爽快前行，「延誤咗學業都三年啦。」確實，大學一年級就做學生會，之後因斷莊做了三屆臨委，加上官司入獄，入大學前後四年，方仲賢「咩credit都無讀過咁滯。」
「你本身浸大讀咩科？」
「唔…歐洲研究！法文！」
出獄後到英國重啟學業，入讀倫敦大學讀國際關係，順理成章，但對方仲賢來說，還有其他意義，「經歷咗呢啲嘢，好多人都無做到、做唔到，點樣搵返生活正軌，好似永遠俾19年、20年嘅事，成為一生陰影。」
他今次出走亦是向前走，是歷險也是探索，「去搵條路應該點行，無論係將來嘅路、定係香港嘅路。」
不是被時代選中的小孩
「坐監嘅時候，講浸大學生會係無人知，講鐳射筆就有人知」，說著方仲賢不禁苦笑。但其實這不太像他原本走的路。
方仲賢說自己是個普通學生，家人甚至有點「藍」，「唔鍾意社會運動，覺得啲人阻街」，後來家人因他被捕入獄慢慢認同他的想法，是後話。總之在中學，他的政治啟蒙是老師，14年他中三亦有參與佔領，「放學去瞓咗一晚，唔知點解阿媽俾我去。」但他認為自己不算最活躍的一群。
到升讀大學，想到老師教過八九民運的歷史，「主導運動都係大學生，大學生對改變社會有一個好重要角色」，於是在上莊遊說下當上浸大學生會會長，19年3月上任。
現在看這巧合似天定，但若將時針撥回19年初，方仲賢的預想與後來發展根本沾不上邊，「你唔會諗到咁波瀾壯闊，影響未來十幾年香港命運、前途」，他當時的理念很簡單，就是做好學生會基本職能，「同學福利、參與大學管治、帶聲音俾學校，令同學留意政治係bonus。」
「嗰時係社運低潮期，係無意志，我19年1月，仲有去深圳飲喜茶。」然後的故事大家都知道，方仲賢笑說，14年時曾流行講「時代選中嘅小孩」，「我諗講嗰個唔係羅冠聰就係黃之鋒，一樣咁中二病。」
「你咁講得唔得㗎…」
「OK，friend嘅，應該唔會嬲。但係我覺得唔係咁樣，我覺得係我哋選擇時代。」
和很多被捕、入獄的人一樣，方仲賢不想訴諸命運，而是選擇，「逃犯條例嚟咪嚟囉，你咪掉人上大陸，關我咩事？唔影響我去飲喜茶、追星㗎。」但他自己也好、香港人也好，選擇了抗爭，方仲賢認為，這是以百萬計香港人集體作出的選擇，「就係我哋揀咗呢個時代。」
而他方仲賢，不過是其中一員。
後悔
說到選擇，若時光倒流選擇會不同嗎？又或者說，有後悔嗎？
「我後悔嘅係」，一直談笑風生的方仲賢小有地凝重，拿起桌上那罐Asahi一飲而盡，「我無做得更好。」更好不是運動應該更進取積極，而是太情緒主導，「去到中後期，我哋好似無咗自我制約，好似失焦、盲目咁去抗衡。」
「進入咗個歇斯底里戰爭狀態，係唔應該出現，我唔係叫你俾人打唔還手，但有無審慎考慮過，高程度武力抗爭係咪可以達到目的？我覺得無。」
難怪要深呼吸、飲啖酒才吐出這些想法，因為這與主流大相徑庭，方仲賢認為社會並至今都很少反思當日種種，例如反修例到五大訴求的轉折，解說是否足夠？裝修、私了，是否全都符合整體策略？當初提出攬炒，對比現況是否社會樂見？「個集體創傷太沉重，好多人因為咁無咗人生方向、甚至人生意義，呢個代價我哋承受唔到。」
「咁講可能會俾人屌得好勁。」
「咪屌囉，我唔想再去保住個學生運動嘅光環。如果講出嚟會令你鬧我，但都會令大家討論，我無所謂。」
運動到某個階段可能趨向情緒化，但同樣真確的是，當時是否有其他選擇？方仲賢覺得有。
「好似大學保衛戰。」二橋之戰、理大圍城，九龍塘多家大學附近堵路，是反修例運動武力衝突的高峰，亦是走向下坡的轉折，「嗰時好深刻，心諗做咩，點解無啦啦會變咗要守大學？」
「大學守衛戰係唔應該出現，我覺得應該stop。」但當時他無表態，因為擔心講出來兩面不是人，若果時光倒流，方仲賢表示他會有不同選擇。
「當時咁講，會俾人話係二五仔收咗錢，但講出嚟可能有人聽，可能改變到未來方向，而家講已經無用，所以我好後悔。」
這是他所說，後悔自己沒有做得更好。
未來
然而往日不可追，未來幾年，方仲賢將做回一個學生，他給自己的目標很簡單，就是過得好，做個更好的人，「唔好令人覺得社運坐完監出嚟嘅人係前途盡喪。」
「你要我受難，你要我痛苦，我偏偏係要活得好開心。」
這亦是他在監中的體會，當時身處鐵窗他不會怪責他人獲得自由、甚至離港，有的只有祝福，「希望出面嘅人過得好啲，有咩好爭拗、怪責，坐監或者離開其實無人想。」
若果世事平順，某個平行時空，方仲賢不會登上前往英倫的班機，聽好友高歌送別，出獄當日方仲賢向記者說，香港會繼續沉淪，但其實他的話未說完，「就算香港繼續沉淪，唔會變好，我都會返嚟，始終個根喺呢度。」
期待在不遠將來，再度把酒共談。