【歸位了🌈】
發表於 : 週三 8月 23, 2023 3:36 pm
【歸位了
】
畢業12日，而家先得閒打文同各位報平安。
我仲適應緊自由生活，初時最唔慣嘅係出面嘅電視屏幕大過學堂；初時掂返電子產品感覺自己似原始人；食嘢謹慎咗，試過連續幾日肚滯，搞到無覺好瞓。我依家日日成個閒人咁，嘗試追返貼新聞、玩Pikmin Bloom四圍種花、經營自媒體等等，忙住過日嘅時光都幾好。
學堂歲月充滿汗水同鬱結，期間多得另一半S先生、家人、老友等組成嘅關愛隊支援所需，我先度過得順遂。箇中經歷未必如大家想像中咁「浪漫」，我只係受靶較短嘅一位，有更多兄弟要等到明年甚至2026年起畢業。我深明同佢哋之間都係平等，容許我去深入結識，敍述佢哋前路真正要面對嘅挑戰，尤其係一度被大眾遺忘嘅囚權。我希望做到同佢哋同行，即到重聚當天。
今年3月1日下線，正值城市正式「復常」，但無機會喺出面見證，最近幾日行走街道上，人流無再以前咁絡繹不絕，其他嘢表面上無大變化，變嘅實質係人心，仲有一早淪為裝飾嘅九流制度。
喺資訊低度流通嘅學堂裡，無得用電話同Google，每日除咗追睇大台cast同《明報》（《北韓》功夫茶就當笑話睇）外，就只能循書信了解更多主流媒體未報（或唔敢報？）嘅話題，對外「時差」往往相差幾星期，甚至成個月，可幸係我同朋友們一直能夠努力通信，收窄彼此嘅距離。重溫一大疊回信，唔少內容都係報道、議會文件同地圖，將以前一直關注嘅議題帶到學堂長篇大論。下線5個半月，喺翳焗嘅日辰中潛修，思考到對呢個既熟悉又陌生城市應作之事。有朋友勸我喺入面唔好講咁多政治，畀自己抖下仲好，也許只得改變，放低偏執從零開展，奇蹟先可上演，正因美醜都走一遍，令我更加感激這趟試煉。
回望過去10年，自己不計心力投入地區工作同媒體，呢兩年卻曾一度對出生地心灰意冷，唔知條路點行落去，後來態度漸漸明朗；親朋曾喺案件翻叮前建議移居，我都明言拒絕。上兩代祖輩足跡遍布華北同南洋，難得今代喺香港落地生根，由祖宗流傳嘅志氣，令我難以割捨對出生地嘅情感，我哋點解要走？今後更想做好應有嘅社會角色，唔想重現上一代嘅漂泊無定。
有同事曾以「毒癮」比喻做記者喺精神原則上難以甩身嘅經驗，我都身同感受（哈哈），尤其係公司無我喺度就進入半癱狀態，同事都期待我盡快復工。不過呢點唔係最重要，而係當繼續做呢一行時，要預計有幾大機會要重返學堂？70%機會掛～我不嬲以事實回應荒謬，唔當「模糊」紅線／紅海係咩一回事。真正尺度係響自己心中，按行業慣例同任職公司時收到嘅風（即行內前輩所指嘅「signal」），去判斷推進報道嘅實際風險，既然目前真正嘅風險離我好遠，做得就做，要找我晦氣嘅咪睇多次我寫嘅有無道理。我喺權力者眼中或者係nobody，但我深信往後有更大責任去周旋，唔容許權力者將走過場、層層加碼成為生活常態。
出來第一日，朋友首先約我去銅鑼灣飲早茶，禁閉生活造就高求知慾，我得以聽聽佢哋嘅近況，追貼出邊嘅事，但要短短幾日內吸收亦唔容易。行開咗咁耐，至今仲未肯定個人心態係咪同出面嘅事接到軌，甚至有啲跟唔上，不過咁都可以為自己留低一定空間觀察，總好過以前畀演算法同群眾情緒牽住走。我會好好對待每位幫過我嘅人，唔會令佢哋再擔心。
註：圖中張卡係S先生喺我臨畢業前幾日寄入嚟，以書法題下成語「故劍情深」，背後典故教人動容。我感受到未來日子，仍有彼此作為最強後盾，即使只有30%機會可以平安渡過，我亦無悔選擇當初呢份志業。
Tong Kin Fung
】畢業12日，而家先得閒打文同各位報平安。
我仲適應緊自由生活，初時最唔慣嘅係出面嘅電視屏幕大過學堂；初時掂返電子產品感覺自己似原始人；食嘢謹慎咗，試過連續幾日肚滯，搞到無覺好瞓。我依家日日成個閒人咁，嘗試追返貼新聞、玩Pikmin Bloom四圍種花、經營自媒體等等，忙住過日嘅時光都幾好。
學堂歲月充滿汗水同鬱結，期間多得另一半S先生、家人、老友等組成嘅關愛隊支援所需，我先度過得順遂。箇中經歷未必如大家想像中咁「浪漫」，我只係受靶較短嘅一位，有更多兄弟要等到明年甚至2026年起畢業。我深明同佢哋之間都係平等，容許我去深入結識，敍述佢哋前路真正要面對嘅挑戰，尤其係一度被大眾遺忘嘅囚權。我希望做到同佢哋同行，即到重聚當天。
今年3月1日下線，正值城市正式「復常」，但無機會喺出面見證，最近幾日行走街道上，人流無再以前咁絡繹不絕，其他嘢表面上無大變化，變嘅實質係人心，仲有一早淪為裝飾嘅九流制度。
喺資訊低度流通嘅學堂裡，無得用電話同Google，每日除咗追睇大台cast同《明報》（《北韓》功夫茶就當笑話睇）外，就只能循書信了解更多主流媒體未報（或唔敢報？）嘅話題，對外「時差」往往相差幾星期，甚至成個月，可幸係我同朋友們一直能夠努力通信，收窄彼此嘅距離。重溫一大疊回信，唔少內容都係報道、議會文件同地圖，將以前一直關注嘅議題帶到學堂長篇大論。下線5個半月，喺翳焗嘅日辰中潛修，思考到對呢個既熟悉又陌生城市應作之事。有朋友勸我喺入面唔好講咁多政治，畀自己抖下仲好，也許只得改變，放低偏執從零開展，奇蹟先可上演，正因美醜都走一遍，令我更加感激這趟試煉。
回望過去10年，自己不計心力投入地區工作同媒體，呢兩年卻曾一度對出生地心灰意冷，唔知條路點行落去，後來態度漸漸明朗；親朋曾喺案件翻叮前建議移居，我都明言拒絕。上兩代祖輩足跡遍布華北同南洋，難得今代喺香港落地生根，由祖宗流傳嘅志氣，令我難以割捨對出生地嘅情感，我哋點解要走？今後更想做好應有嘅社會角色，唔想重現上一代嘅漂泊無定。
有同事曾以「毒癮」比喻做記者喺精神原則上難以甩身嘅經驗，我都身同感受（哈哈），尤其係公司無我喺度就進入半癱狀態，同事都期待我盡快復工。不過呢點唔係最重要，而係當繼續做呢一行時，要預計有幾大機會要重返學堂？70%機會掛～我不嬲以事實回應荒謬，唔當「模糊」紅線／紅海係咩一回事。真正尺度係響自己心中，按行業慣例同任職公司時收到嘅風（即行內前輩所指嘅「signal」），去判斷推進報道嘅實際風險，既然目前真正嘅風險離我好遠，做得就做，要找我晦氣嘅咪睇多次我寫嘅有無道理。我喺權力者眼中或者係nobody，但我深信往後有更大責任去周旋，唔容許權力者將走過場、層層加碼成為生活常態。
出來第一日，朋友首先約我去銅鑼灣飲早茶，禁閉生活造就高求知慾，我得以聽聽佢哋嘅近況，追貼出邊嘅事，但要短短幾日內吸收亦唔容易。行開咗咁耐，至今仲未肯定個人心態係咪同出面嘅事接到軌，甚至有啲跟唔上，不過咁都可以為自己留低一定空間觀察，總好過以前畀演算法同群眾情緒牽住走。我會好好對待每位幫過我嘅人，唔會令佢哋再擔心。
註：圖中張卡係S先生喺我臨畢業前幾日寄入嚟，以書法題下成語「故劍情深」，背後典故教人動容。我感受到未來日子，仍有彼此作為最強後盾，即使只有30%機會可以平安渡過，我亦無悔選擇當初呢份志業。
Tong Kin Fung