話說又有鯨魚仔喺香港水域出沒。但依我直覺…都喺兇多吉少。香港唔喺一個有大把花費做保育動物嘅地方。資源到經驗都極度缺乏。唉，好似仲已經畀人𠝹咗幾下… ( ˘︹˘ ) 。唔識講。
睇完《在地下城尋求邂逅是否搞錯了什麼》9，竟然探討人同怪物共生之道，哲學性令我有啲意外！手上暫時只去到第9集。之後會轉睇《歡迎來到實力至上主義的教室》，睇完應該會有機會睇《寵疑島》同《宜卡傢俬過夜挑戰Overnight Challenge》兩本由理想很遠所寫嘅作品。呢度有人幾鍾意佢，所以間中可以睇到呢啲本港作家嘅作品XDD。但我估計，我睇嗰陣已經喺10~12月嘅事！XDDD。
呢排超級大雨季，令我啲時間安排出現咗問題，每日少咗一個鐘頭處理啲文書工作…導致《傭兵》C4目前只抄到P.8左右…“Orz。
我又再「小病」。唉，幾乎每1~2星期一次，每次4~7日
。最大影響喺鼻塞…已經有啲厭倦。呢度又喺接觸醫院送過嚟污衣第一線，根本無得避。就算避咗都有機會畀工場其他人傳染，結果喺一樣…。唉…每次見到食藥條隊日日都排長龍，100人入面接近一半都要食藥就… 
。我會唔會遲啲產生抗藥性…食埋今次下次再中咩都唔食算，反正都唔喺啲咩感冒藥… ( ˘︹˘ ) 。⁕ ⁕ ⁕ ⁕ ⁕ ⁕ ⁕ ⁕ ⁕ ⁕
講到呢度，我有樣嘢好唔明，點解監倉要收咁多外國人？有一半以上都喺啲咩逾期居留、毒品、黑工。十個當中至少4~5個毒品，個個坐幾年以上。有啲十幾到廿幾年。
問題嚟啦，假設佢坐10年，一年365日，10年3,650日。每日食3餐，要食10,950餐。以香港物價水平，20緡一餐好未？困10年至少要洗 $219,000 喺佢身上。仲未計每月要派畀佢生活用品，物資、水電。
再到佢要使用到嘅更新服務，監管人手成本。我只喺計人手呢一part，10年120個月，一個case假設放40個坐10年咁嘅人，再假設監管人力成本喺每月 $20,000 人工。咁條數就計得出，120 x 2000 / 40 = 60,000，6萬大元！已經唔計啲咩通脹、加薪，再到因為佢要喺呢度工作，政府每月至少要畀佢 $400 人工。𠵱家最高可以有 $800-1,000人工一個月，計 $400 啦，400 x 120 = 48,000。3條數加埋，困一個非local 10年毒犯要要洗30萬！仲喺非納稅人，無本地居留權嘅。
10年過後可能仲拎到「行街紙」繼續留喺香港。咁，呢30萬其實邊個出呢？咪又喺香港納稅人！
一個人30萬，十個300萬，一百個3,000萬…
點解唔直接遣返佢哋，Black list永久禁止入港呢？有咩原因/ 理由一定要喺呢度困住佢
。經濟學上面呢件事都好唔合理。唔好忘記呢啲case喺要上法庭處理，會派律師/ 法援畀佢哋。呢啲都喺一種支出。我相信一張機票點都平過30萬？另一個問題喺「行街紙」。最近連《903國民教育》都up出國際大「刀」會呢種戲稱，已經成為一種社會現象同問題。要知道「行街紙」只准逗留，唔畀做嘢。但本港生活消費水平高昂，唔做嘢如何有足夠 $ 生活呢？於是就去曬打黑工，清潔、收賣佬呢類。一旦被捕，唔知點解，佢哋可以再次申請「行街紙」，有啲個案又會獲批。好彩無畀人拉到嘅話，又喺香港捱到7年，咁，恭喜曬，佢可以獲得香港居留權。
以我嘅認知，香港由於唔喺一個國家，印象中並無難民條例，所以理論同實際上喺無難民存在。至於「行街紙」喺國際人權公約嘅產物？呢點要做啲資料搜集。咁…其實有無統計過同檢視返呢啲灰色地帶有幾多人利用緊？有無必要賦予佢哋本港居留權呢？我哋偉大嘅祖國都無難民政策。所以未曾聽過有難民進入中國呢一類新聞。
唔喺歧視，但呢批人士集中咗喺某啲族裔上，以至白粉報日日南亞兵團咁形容。最近有個印裔人士仲搞咗單跨國籍風化案：喺中環MTR站強吻摸胸非禮韓籍女KOL。咁大個仔，我都喺第一次耳聞可以當住人哋開live時咁做
。呢種「行街紙」制度，喺本港土地資源不足而且又市場扭曲，呎價萬萬聲，喺唔畀打工嘅情況下，其實除咗犯法之事外，我都諗唔到佢哋可以喺本港點生存7年？7年後畀佢哋居留權亦喺另一問題。但呢啲問題異常地繁雜同敏感（因為涉及人權），唔喺我呢個LV嘅人可以插把咀就能解決。純粹將一啲所見嘅事分享下。
我已經好少提呢類嘢，但最近有個哥倫比亞人喺我對面床即將坐完17年監，衰毒品，令我突然有呢啲諗法。無他，純粹畀你知道下我個腦諗緊啲咩。或者，他日睇返，會成為我某啲故事嘅寫作材料。
Ref#373
2023.9.14
————————————————————————-
如果大家想支持文浩，歡迎訂閱、追踪：
patreon: https://www.patreon.com/manhoinjail
FB:文浩的365日
manhoinjail (
