721 審訊第 16 日｜辯方盤問指揮官當日情況 屢稱「冇印象」「唔記得」「唔清楚」

[emily]

721 審訊第 16 日｜辯方盤問指揮官當日情況　屢稱「冇印象」「唔記得」「唔清楚」

全文：https://bitly.ws/32haE

辯多次盤問時任元朗分區助理指揮官(行動) 李伯豪對當天情況的了解，李均稱「冇印象」、「唔記得」，包括不知道當晚有多名市民、港鐵控制室報警求助，對很多白衣人在鳳攸北街聚集遊行和手持「保衛家園」標語「冇乜印象」，「唔清楚」何君堯曾到場等等；被辯方問到作為「主管級人士」，就當晚11時前元朗站或雞地事件，曾否收過相關資料，李回應指「唔記得」、稱行動室無指派他處理。

對於元朗站有人打鬥、行動室在 11 時前曾派 3 名警員到場、警員匯報有一百名白衣人「叫囂喊打」，因人手不足要求支援和撤退，李一律表示「冇印象」，但李同意有可能因得知白衣人聚集和有暴力行為，才派 20 多名快速應變部隊到場。李也同意，他上扶手電梯時手執警棍在右肩上，顯示他當時「係一個戒備狀態」，有任何暴力行為會使用警棍。

李在盤問下確認，7月中前聽過元朗有「吹雞行動」，但對何君堯在 7.15 在臉書發布資料、「元朗會打人」、石鏡泉藤條打仔等言論一律都表示「冇印象」；法官一度介入指李「好鍾意用冇印象呢個字」，強調「知就知，唔知就唔知，記得就記得」。

辯方之後指出李作為行動科其中一個主管，他知道警方收到有人呼籲元朗村民保衛家園、「將示威者趕出元朗」情報，李表示同意。法官陳廣池追問，「咁警方知唔知有人入元朗嘅資訊可提供法庭？有人入元朗，你先至可以保衛，邏輯啱唔啱？」李表示同意，但在辯方提問下表示沒有收到訊息「有人入嚟元朗搞事」。

當被問到警方收到議員訊息指白衣人聚集攻擊黑衣人，李就指「記憶中冇同我講過」。盤問下李又指當晚傍晚六時，向 40 至 50 名包括偵察部隊的警員作訓示，內容最主要是「防止有破壞社會安寧事件發生，至於咩色衫嘅人我唔記得咗有冇講到」，也「唔記得有冇講到會揸棍」，但有叫同事注意安全。

#721審訊 #721元朗 #白衣人 #林卓廷 #暴動
付費訂閱支持 撐起專業報道 https://thecollectivehk.com/subscribe