//鄒幸彤 2021 年六四煽惑集結案，終審法院今日（22 日）審理有關律政司終極上訴。正因支聯會國安案還押嘅鄒幸彤由懲教押送至終院，佢著住墨綠色長袖恤衫、束馬尾，戴黑框眼鏡，不時向公眾席親友燦笑。五位法官聽畢雙方陳詞後，擇日頒下判詞。
律政司一方指，被告喺刑事審訊中，唔應獲准挑戰由警方發出集會「禁令」嘅合法性，否則會令公眾誤以為毋須遵守，導致削弱法治；又指若不服應提司法覆核。再者，根據當時疫情，警方係「合理咁」禁止舉行大型集會，保障公眾安全。
鄒幸彤一方反駁，被告有權喺刑事審訊中爭議「禁令」嘅合法性，而司法覆核又牽涉大量支出及資源，被告或需申請法援，亦可能被拒等；而警方應履行《公安條例》下嘅「積極責任」，提出容許集會嘅條件，如設人數限制等，減低傳染風險，而非斷言禁止。
據法庭線報導，開庭前有10 至 20 嗰中年人喺終院門外輪候旁聽。散庭後，佢地問其中 3 位有份旁聽嘅中年人旁聽咩案件、被告咩名等，佢地急步離開，無回應。//
———————————————
更多資訊，包括最新一期《自由港》請點擊以下連結
https://linktr.ee/HarbourofFreedom
捐款支持我們:
https://ko-fi.com/harbour_of_freedom
