真。香港人 - 討論組

相信唔少人有留意某YouTuber 訪問一位黃店老闆成功參軍，其實呢半年以嚟都有唔少香港人都已經入咗營或者通過考核準備入營。

因為BNO visa 太新，好多相關參軍政策都更新唔切，所以香港人參軍條路並唔易行。但隨住最初成功闖關嘅手足以老帶新，再加上條文越寫越清晰，兩年以嚟總算儲夠一個排以上嘅bnoer。更重要嘅係，開始有bnoer入到前線職位，甚至係傘兵、御林軍等精英特種部隊。

作為香港人，我哋好感謝英國政府喺我哋言論自由受到威脅嘅時候推出BNO visa 令15萬以上嘅香港人可以嚟到英國免於恐懼咁過新生活，而參軍就係一個好好報答國家的嘅方法。

再重申一次，香港人可以參軍係因為BNO都係英籍嘅一種，而BNO visa 就可以幫大家滿足到本土居住年期要求（暫時陸軍正規軍官方要求係18個月，而官方海軍、空軍及後備軍都需要ILR）。但嗰18個月嘅要求都有可能因為兵種缺人而有所寛限。所以，想參軍嘅，報咗名先啦，報名唔駛錢㗎。